ठळक मुद्देरेल्वे स्टेशन भागात जुन्या घराला आगकचरामुळे आग लागल्याचा संशय
लोकमत न्यूज नेटवर्कधुळे : शहरातील रेल्वे स्टेशन परिसरातील जुन्या पडक्या घराला मंगळवारी सकाळी अचानक आग लागली़ जुने घरे असल्याने लाकडाने पेट घेतला़ आग लागल्याचे लक्षात येताच अग्नीशमन बंबाला बोलाविल्याने आग आटोक्यात आली़ सुदैवाने यात जीवितहानी झाली नाही़ शहरातील रेल्वे स्टेशनलगत रेल्वे रुळाला लागून पुर्वी घरे होती़ त्या ठिकाणी आता कोणीही राहत नसल्यामुळे ती पडकी झाली आहेत़ तसेच याच भागात कचराचे प्रमाण देखील अधिक असल्याने कचराला आग लागली असावी आणि या आगीचे लोण जुन्या घरांकडे गेल्याने लाकडाने पेट घेतला असावा अशी शक्यता व्यक्त करण्यात येत आहे़ घटना लक्षात येताच अग्नीशमन बंबाला बोलाविण्यात आले़ त्यामुळे आग आटोक्यात आली़ ही घटना मंगळवारी सकाळी घडली़ सुदैवाने यात जीवितहानी झाली नाही़