ंग्रामीण भागात आधुनिक युगातही रेडीओला सुगीचे दिवस

पारांवर चर्चेत आकाशवाणीचा सहभाग; लोडशेडींग काळात रेडीओचा वापर

रावसाहेब चव्हाण ।तºहाडी : आधुनिक युगात देश तंत्रज्ञानात प्रगती करत असतांना अनेकजण आपल्या मोबाईलवर चॅनल बातम्या, ई पेपर आदिंच्या माध्यमातून माहितीची देवाण - घेवाण करत असतांना व सोशल मिडीयाच्या माध्यमातून अनेक घटना क्षणात कळते. परंतु आजही ग्रामीण भागाच्या चावडी, पारावर गल्ली बोळात बसलेले वृध्द आज रेडीओच्या माध्यमातून माहिती मिळवून चर्चेला उधाण येत आहे. त्यामुळे अडगळीत पडलेल्या रेडीओला सुगीचे दिवस आले आहे.रेडीओला फारशी किंमत नसायची शिवाय खर्चही कमी, शिवाय सोबत ठेऊन आपल्याला हवे तेव्हा स्टेशन पकडून बातम्या ऐकणे किवा ईतर मनोरंजन कार्यक्रम ऐकायचा अनेकाना छंद जणु जडला होता. जनावरांमागे शेतात जाणाऱ्या शेतकरी, जनावरे संभाळतांना रेडीओ सोबत ठेवून मनोरंजन करून घेत. शिवाय कधी कधी खेड्यापाड्यात विजेचा प्रश्नही असायचा म्हणून कमी खर्चातील सेलवर ही तहान भागवता येत होती.आता वृत्तपत्रासह, दुरदर्शन संचासह अनेक जलद साधने प्राप्त झाली. काही क्षणात कोठलीही माहिती सहज उपलब्ध प्राप्त होते. परंतु आपल्याला ज्या बाबीची सवय असते किवा जे सोईचे वाटते त्या माध्यमाचा वापर करुन गरज भागविण्याची सवय जास्तीत जास्त लागल्या आहे. परंतु या मनोरंजनात्मक राजकिय खेळाची आवड कुणाला नसणार हे बातम्यातून लेखाजोखा घेताना आढळले.शंभरी ओलाडलेले आनंदा गायकवाड म्हणाले की, दररोज बातम्या न चुकता चावडी चावड़ीवर, पारा पारावर, किंवा जमेल तेथे ऐकतो. आमच्या शेवटाच्या आयुष्याच्या शेवटी अनेक मर्यादा, अडीअडचणी आहे. परंतू त्या स्थितीवर मात करीत अवती भोवतीच्या बाबीचा आढावा घ्यायला आवडते. आणि सध्या तर आवडीनुसार लक्ष घालणे आलेच. ऐकायला कमी येते, पाहिजे तसे उमजत नाहित, शिवाय नविन राजकिय पक्ष, नवनविन उमेदवार पोरांची अवघड नावे. परंतु आम्ही पार लालबहादुर शास्त्रीजी पंतप्रधान असताना पासून निवडणुका बघत आलो. आताही पहातोय परंतू तेव्हाची पद्धत फार वेगळी होती. मग ती प्रचाराची असो की मतदानाची असो. एवढ्या खर्चाच्या गोष्टी पूर्वी नव्हत्या, असेही त्यानी सांगितले. एवढे मात्र खरे की या जुन्या पिढीला ज्ञान, माहिती देणाºया रेडीओला मात्र सुगीचे दिवस आले हे खरे.