दुचाकीच्या धडकेत एकजण ठार झाला. हा अपघात सोमवारी रात्री ९.३० वाजेच्या सुमारास महामार्गावरील पनाखेड गावाजवळ झाला.
नीलेश शोभाराम जाधव (२१, रा़. चाकऱ्यापाणी, ता. वरला, जि.बडवानी. ह.मु.नादिया, ता. सेंधवा) हा दुचाकीने (एमएच १८-एएल २५४०)सेंधव्याकडून
शिरपूरकडे भरधाव वेगात येत होता. त्याने पुढे धावणारी दुचाकीला (क्र.एमएच १८-एएल-७४८७) जोरात धडक दिली. त्यानंतर रोडवरील दुभाजकावर जाऊन आदळला. त्यात नीलेश जाधव हा गंभीर जखमी झाला. त्याला उपचारासाठी उपजिल्हा रुग्णालयात दाखल केले होते. उपचारादरम्यान त्याचा मृत्यू झाला.
याबाबत सांगवी पोलिसात मोटार अपघात नोंदविण्यात आला आहे़
अपघातात एकाचा मृत्यू
रमाकांत दौलत भिलाणे (४४) रा़ वाल्मीक नगर शिरपूर हे कळमसरे येथून घरी पायी येत होते. मांडळ शिवारातील मलिक सर्व्हिस सेंटरसमोर दुचाकीने (क्रमांक एमएच १८-बीएन-६७२२) पाठीमागून धडक देऊन गंभीर जखमी केले. त्यांना उपजिल्हा रुग्णालयात दाखल केले असता डॉक्टरांनी तपासून मयत घोषित केले. याबाबत धर्मराज रमाकांत भिलाणे यांनी दिलेल्या फिर्यादीवरून संशयित आरोपी नारायण माळी (रा. महादेव मंदिराजवळ वरवाडे शिरपूर) याच्या विरोधात गुन्हा दाखल करण्यात आला आहे.