देवपूरात ४४ हजारांची घरफोडी

गुन्हा दाखल : गणपती मुर्तीसह सोन्याचांदीच्या दागिन्यांचा समावेश

लोकमत न्यूज नेटवर्कधुळे : देवपूरातील पांडव नगरात अज्ञात चोरट्यांनी बंद घर फोडून ४४ हजार रुपये किंमतीचे सोने आणि चांदीचे दागिने लंपास केल्याची घटना सोमवारी सकाळी उघडकीला आली़याबाबत पोलिसांनी दिलेल्या माहितीनुसार देवपूरातील पांडव नगरात पाटील वाड्यामध्ये १४ मे ते १८ मे च्या दरम्यान रवींद्र वसंतराव शिंदे यांच्या घरात ही चोरी झाली़ रवींद्र शिंदे हे कुटूंबियांसमवेत बाहेरगावी गेले होते़ सोमवारी सकाळी ते घरी परतले़ त्यावेळी घराच्या लाकडी दरवाजाचे कुलूप तोडल्याचे त्यांच्या निदर्शनास आले़ चोरट्यांनी कुलूप तोडून आत प्रवेश केला़ त्यानंतर लाकडी कपाट फोडून त्यातील गणपतीची चांदीची मुर्ती, सोन्या, चांदीचे दागिने असा एकूण ४४ हजार रुपये किंमतीचा ऐवज चोरुन नेला़रवींद्र शिंदे यांनी याबाबत पोलिसांनी माहिती दिली़ माहिती मिळताच देवपूर पोलीस ठाण्याचे कर्मचारी घटनास्थळी दाखल झाले़ त्यांनी पंचनामा केला़याप्रकरणी रवींद्र शिंदे यांनी दिलेल्या फिर्यादीवरुन देवपूर पोलीस ठाण्यात घरफोडीचा गुन्हा दाखल करण्यात आला आहे़लॉकडाउनमुळे शहर आणि परिसरातील अनेक जण अजुनही बाहेरगावी अडकले आहेत़ कॉलनी परिसरात अनेक घरे बंद आहेत़ रात्रीच्या अंधाराचा गैरफायदा घेत चोरट्यांचा वावर वाढला आहे़ त्यामुळे पोलिसांनी गस्त वाढवावी अशी मागणी कॉलनी परिसरातील नागरिकांनी केली आहे़