याबाबत मुख्याधिकाऱ्यांना दिलेल्या निवेदनात म्हटले आहे, या मागार्वर अजिंठा नगर ही मागासवर्गीय वस्ती असून, रस्त्याच्या दुरवस्थेमुळे ये-जा करणे अवघड झाले आहे. वाहन चालकांना वाहने चालविताना मोठी कसरत करावी लागत आहे. पादचाऱ्यांना देखील खड्ड्यांमधून वाट शोधावी लागत आहे. पावसाळ्यात या खड्ड्यांमध्ये पाणी साचत असल्याने रस्त्याला तलावाचे स्वरूप येेते. याच मार्गावरून स्मशानभूमिकडे अंत्ययात्रा जातात.
या रस्त्याच्या दुरुस्तीसाठी बहुजन एकता परिषद मागील तीन-चार वर्षांपासून पाठपुरावा करीत आहे. परंतु, प्रशासनाकडून अद्याप कुठलीच कार्यवाही झाली नाही. त्यामुळे याचे त्वरित डांबरीकरण करावे अन्यथा बहुजन एकता विकास परिषद तसेच अजिंठा नगर भागातील रहिवाशांच्या वतीने पालिकेसमोर आंदोलन करण्यात येईल, असा इशारा निवेदनात देण्यात आला आहे. यावर उमेश सिरसाठे, गौतम दिलपाक, प्रशांत बनसोडे आदींच्या सह्या आहेत.