रोटरीने केले बस थांब्याचे नूतनीकरण
(फोटो : गुणवंत जाधवर १४)
उमरगा : येथील रोटरी क्लबच्या वतीने १४ फेब्रुवारी रोजी क्लबचा स्थापना दिवस साजरा करण्यात आला. यानिमित्त क्लबच्या वतीने उमरगा बस स्थानक येथे प्रवासी थांब्याचे नूतनीकरण, प्रवाशांना बसण्यास बेंच, ‘बसस्थानक हरित स्थानक-स्वच्छ स्थानक’ या उपक्रमांतर्गत झाडाच्या कुंड्या वाटप करण्यात आल्या. यावेळी रोटरी क्लबच्या अध्यक्षा कविता अस्वले, क्लबचे चार्टर सदस्य व माजी अध्यक्ष डॉक्टर अशोक अहंकारी, हरिप्रसाद चांडक, प्रशांत कुलकर्णी, जाफर कारचे यांचा विशेष सत्कार करण्यात आला. कार्यक्रमास अशोक अहंकारी, क्लबचे माजी अध्यक्ष प्राचार्य शिवानंद दळगडे, नितीन होळे, डॉ.रवी आळंगे, डॉक्टर संजय अस्वले, संतराम मुरजानी, प्रवीण स्वामी, डॉ.विनोद देवकर, सचिव अनिल मदनसुरे, डॉ.पंडित बुटुकणने, सचिव व्यंकट गुंजाटे, माजी सचिव मनिष सोनी, संजय ढोणे, सतीश साळुंके, दीपक कवटे, सदस्य डॉ.नीलेश महामुनी, डॉ.विक्रम आलंगेकर आदींची उपस्थिती होती.