गुणवंत विद्यार्थ्यांचा अणदुरात सत्कार

अणदूर : तुळजापूर तालुक्यातील अणदूर येथील श्री श्री गुरुकुल या शाळेचा माध्यमिक शालान्त दहावीचा निकाल सलग दुसऱ्या वर्षी शंभर टक्के लागला असून, विशेष प्रावीण्यासह २३ तर प्रथम श्रेणीत ४ विद्यार्थी उत्तीर्ण झाले आहेत. या सर्व विद्यार्थ्यांचा सत्कार संस्थेचे संस्थापक अध्यक्ष डॉ. जितेंद्र कानडे यांच्या अध्यक्षतेखाली पार पडला. या वेळी सचिव डॉ. नागनाथ कुंभार, संचालिका डॉ. रूपाली कानडे, श्री श्री गुरुकुलचे मुख्याध्यापक शिवराज भुजबळ, मुख्याध्यापक लक्ष्मण पुष्पा लामतुरे यांची प्रमुख उपस्थिती होती. या वेळी ऐश्वर्या विद्यानंद सूत्रावे, राजनंदिनी अनिल कुऱ्हाडे, प्रांजली नागनाथ जत्ते, समर्थ जयप्रकाश कोकणे या गुणवंतांना गौरविण्यात आले. प्रास्ताविक शिवराज भुजबळ, सूत्रसंचालन ज्ञानेश्वर बंडगर यांनी केले. आभार संतोष मोकाशे यांनी मानले. कार्यक्रमासाठी रामेश्वर सावंत, सुरेश गायकवाड, किशोर जाधव, महेश मंगे, अर्जुन सोनटक्के, शांता चव्हाण, मंजुषा जोशी, ज्योती रामपुरे, मयुरी कुलकर्णी, मोहिनी बिराजदार, गायत्री मोरे यांनी पुढाकार घेतला.