उस्मानाबाद - महिला रूग्णांना दर्जेदार सेवा मिळावी, यासाठी स्वतंत्र स्त्री रूग्णालय सुरू करण्यात आले. त्यामुळे सर्वसामान्य रूग्णांसह प्रसूतीची साेय झाली. मागील जानेवारी ते डिसेंबर २०२० या बारा महिन्यात ६ हजार १०५ प्रसूती झाल्या. यापैकी पावणेदाेन हजार सीझर झाले. तर उर्वरित मातांची नाॅर्मल प्रसूती झाली. विशेष म्हणजे, वर्षभरात एकही मातामृत्यू झाला नाही. ही आराेग्य यंत्रणेचे मनाेबल उंचावणारी बाब मानली पाहिजे.
काही वर्षांपूर्वी जिल्हा रूग्णालयातच प्रसूती कक्ष हाेता. त्यामुळे यंत्रणेवर ताण येत असे. आराेग्य यंत्रणेकडून करण्यात आलेल्या जनजागृतीमुळे तसेच रूग्णवाहिकेच्या सुविधेमुळे रूग्णालयीन प्रसूतींकडे कल वाढला. ही बाब लक्षात घेऊन स्वतंत्र स्त्री रूग्णालय उभारावे, अशी मागणी पुढे आली हाेती. त्यानुसार शासनाच्या मान्यतेनंतर हे रूग्णालय सुरू झाले. त्यामुळे जिल्हाभरातील प्राथमिक आराेग्य केद्र, उपकेंद्र, ग्रामीण, उपजिल्हा रूग्णालयांतून रेफर केलेल्या गराेदर मातांना या ठिकाणी भरती करून घेतले जाते. अधिकाधिक महिलांची प्रसूती नाॅर्मल व्हावी, यावर रूग्णालयाचा भर असताे. जानेवारी ते डिसेंबर २०२० या बारा महिन्यांत स्त्री रूग्णालयात तब्बल ६ हजार १०५ महिलांची प्रसूती झाली. यापैकी ४ हजार १९१ महिलांची प्रसूती नाॅर्मल झाली. तर उर्वरित १ हजार ९१४ महिलांचे सीझर करावे लागले. माता तसेच अर्भक मृत्यू हाेऊ नयेत, यासाठी रूग्णालयाकडून आवश्यक ती काळजी घेतली जाते. त्यामुळेच की काय, वर्षभरात एकही मातामृत्यू झालेला नाही. ही बाब रूग्णालयीन अधिकारी, कर्मचाऱ्यांचे मनाेबल उंचावणारी आहे.
चाैकट...
कुठल्या महिन्यात किती प्रसूती
महिना एकूण प्रसूती सीझर नाॅर्मल माता मृत्यू
जानेवारी ४२८ १५० २८८ ००
फेब्रुवारी ४२५ १२८ २९७ ००
मार्च ५६३ १२५ ३१९ ००
एप्रिल ३९८ १३८ २६० ००
मे ४८८ १६५ ३२३ ००
जून ४३६ १४२ २९४ ००
जुलै ४४२ १४४ ३१८ ००
ऑगस्ट ५५७ १५९ ४१३ ००
सप्टेंबर ६२५ १६८ ४५७ ००
ऑक्टाेबर ६४५ २०२ ४४३ ००
नाेव्हेंबर ६०४ १८६ ४१८ ००
डिसेंबर ५८६ २२५ ३६१ ००
डिसेंबरमध्ये सर्वाधिक सीझर
स्त्री रूग्णालयात नाॅर्मल प्रसूतींवर अधिक भर दिला जात असला तरी अपरिहार्य कारणांमुळे अनेकवेळा सीझर करावे लागते. त्यामुळे काही महिन्यात शंभर, काहीवेळा दीडशे तर कधी २०० सीझर झाले आहेत. मागील बारा महिन्यांत झालेल्या सीझरच्या संख्येवर नजर टाकली असता, डिसेंबर २०२० मध्ये सर्वाधिक २२५ सीझर झाले आहेत.
ग्राफ...
सीझर
१९१४
नाॅर्मल
४१९१
मातामृत्यू
०००
मातामृत्यूसाठी रक्तदाब ठरते सर्वात माेठे कारण
जिल्ह्यात माता मृत्यूचे प्रमाण नगण्य आहे. स्त्री रूग्णालयात तर वर्षभरात एकही मातामृत्यू नाही. असे असले तरी जे काही मातामृत्यू हाेतात, त्यांच्यामध्ये सर्वात माेठे कारण रक्तदाब हे आहे. यासाेबतच काही मृत्यू रक्तक्षय, गर्भाशयाचा जंतूसंसर्ग यासारख्या कारणांमुळेही हाेतात, असे डाॅक्टरांकडून सांगण्यात आले.