उस्मानाबाद - जिल्ह्यात मागील काही दिवसांपासून चाेरट्यांचा धुमाकूळ सुरूच आहे. त्यामुळे नागरिकांमध्ये भीतीचे वातावरण निर्माण झाले आहे. तुळजापूर तालुक्यातील सुरतगाव येथे घरफाेडी, उस्मानाबादेत ऑनलाईन सर्व्हिस सेंटर तर कळंब बसस्थानकातून प्रवाशाचा माेबाईल अज्ञाताने लंपास केला. या सर्व घटना १७ ते १८ ऑगस्ट या कालावधीत घडल्या आहेत.
याबाबत पाेलिसांकडून मिळालेली अधिक माहिती अशी की, तुळजापूर तालुक्यातील सुरतगाव येथील सुहास छबु गुंड हे १८ ऑगस्टला शेतात केले हाेते. हीच संधी साधत अज्ञात चाेरट्यांनी घराच्या दरवाजावरील कुलूप ताेडून आत प्रवेश केला. त्यानंतर आतील ३३ ग्रॅम साेन्याचे दागिने, १० ग्रॅम वजनाचे चांदीचे पैंजण व राेख ३५ हजार रुपये लंपास केले. चाेरीची ही घटना उघडकीस आल्यानंतर सुहास गुंड यांनी १८ ऑगस्टला तामलवाउी पाेलीस ठाण्यात फिर्याद दिली. त्यावरुन अज्ञाताविरुद गुन्हा दाखल झाला. दुसरी घटना उस्मानाबाद शहरातील प्रादेशिक परिवहन कार्यालयाच्या परिसरात घडली. कार्यालयासमाेरील मैत्री ऑनलाईन सर्व्हिस सेंटरचा पत्र उचकटून अज्ञाताने आतील संगणक व राेख १५ हजार रूपये लंपास केले. चाेरीची ही घटना समाेर आल्यानंतर महेबूब शेख (रा. उपळा मा.) यांनी आनंदनगर पाेलीस ठाण्यात फिर्याद दिली. त्यावरून अज्ञातांविरुद्ध गुन्हा दाखल करयातआला आहे. तिसरी घटना उमरगा तालुक्यातील नाईकनगर शिवारात घडली. विशाल मालपाणी यांनी शेतातील शिवारात शेड उभारले हाेते. याच ठिकाणी त्यांनी दाेन बैल बांधले हाेते. आजूबाजूला काेणीही नसल्याची संधी साधत अज्ञाताने दाेन्ही बैल लंपास केले. ही घटना समाेर आल्यानंतर शेतकरी राम चव्हाण यांनी मुरूम पाेलीस ठाण्यात फिर्याद दिली. त्यावरून अज्ञाताविरुद्ध गुन्हा दाखल झाला आहे.
चाैकट...
प्रवाशाचा माेबाईल लांबविला...
पुणे येथील रहिवासी नवीर काझी हे १८ ऑगस्ट राेजी कळंब बसस्थानकातील फलाट क्र. १ वर थांबले हाेते. बस दाखल हाेताच ते आत प्रवेश करत असताना गर्दीचा फायदा घेत अज्ञाताने त्यांच्या खिशातील स्मार्टफाेन लंपास केला. या प्रकरणी काझी यांचा भाचा इस्तियाक काझी यांनी दिलेल्या फिर्यादीवरून भादंसंचे कलम ३७९ अंतर्गत कळंब ठाण्यात गुन्हा दाखल करण्यात आला आहे. अधिक तपास पाेलीस करत आहेत.