तुळजापूर : हिमाचल प्रदेशातील सोलन येथे नुकत्याच पार पडलेल्या ११ व्या राष्ट्रीय कुडो आणि पहिल्या कुडो फेडरेशन कपमध्ये उस्मानाबाद जिल्ह्यातील खेळाडूंनी दमदार प्रदर्शन करत घवघवीत यश मिळिवले. त्यात खेळाडूंनी दोन सुवर्ण तर एक कांस्यपदकाची कमाई केली आहे.
कुडो इंटरनॅशनल फेडरेशन ऑफ इंडिया आणि कुडो असोशिएशन (हिमाचल प्रदेश) यांच्या संयुक्त विद्यमाने ही स्पर्धा भरविण्यात आली होती. या स्पर्धेत उस्मानाबाद जिल्हा कुडो असोसिएशनच्या चार खेळाडूंनी सहभाग नोंदविला होता. त्यात संकेत क्षीरसागर याने दोन सुवर्ण तर अशितोष जगताप याने कांस्यपदकाची कमाई केली आहे. या स्पर्धकांना कुडो इंडिया प्रेसिडेंटचे अध्यक्ष नेहुल ओरा यांच्या हस्ते गौरविण्यात आले. या खेळाडूंना इब्राहिम शेख आणि दिनकर रोकडे यांचे मार्गदर्शन लाभले आहे.
100921\1748-img-20210909-wa0022.jpg
कुडो स्पर्धेतील खेळाडू