शहरातील पापडे गल्ली भागातील स्टेट बँक ऑफ इंडिया जवळ सतीश खिंवसरा यांची प्रिंटिंग प्रेस आहे. दुपारी दोन वाजेच्या सुमारास खिंवसरा हे प्रेसच्या वरील मजल्यावर असलेल्या त्यांच्या घरी गेले असता दुकानात कोणी नसल्याचे पाहून एका मुलाने खिंवसरा यांचा दुकानातील मोबाईल फोन व साडेचार हजाराची रोख रक्कम चोरून नेली. ही घटना दुकानातील सीसीटीव्हीमध्ये कैद झाल्याने खिंवसरा यांनी ते चित्रीकरण काहीजणांना दाखविले. मोबाईल व पैसे चोरणारा तो मुलगा शहरातील सावरगाव पुनर्वसन भागातील असल्याची माहिती मिळाल्यानंतर त्यांनी याबाबत मुलाच्या नावासह कळंब पोलीस ठाण्यात तक्रार दिली. दरम्यान, संबंधित मुलाने दुकानावर पाळत ठेवून ही चोरी केल्याचे खिंवसरा यांनी म्हटले आहे. शहरात मागील काही दिवसांत मोबाईल चोरीचे प्रमाण वाढले असून यामागे एखादी टोळी कार्यरत असण्याची शक्यता आहे.
200721\img-20210720-wa0061.jpg
सिसिटीव्ही मध्ये कैद झालेला चोरटा