उस्मानाबाद : येरमाळा येथील येडाई व्यसनमुक्ती केंद्राला राष्ट्रवादी पक्षाचे प्रदेशाध्यक्ष तथा राज्याचे जलसंपदा व लाभक्षेत्र विकासमंत्री जयंतराव पाटील यांनी गुरुवार भेट देऊन येथील कामकाजाची पाहणी केली.
जयंतराव पाटील हे मराठवाडा दौऱ्यावर असून, २४ जून रोजी वाशी येथील पक्षाची बैठक संपवून रात्री साडेदहा वाजता उस्मानाबादला जात हाेते. यावेळी येरमाळा येथील येडाई व्यसनमुक्ती केंद्राला भेट देऊन तेथील रुग्णांच्या उपचाराची पद्धती विषयी केंद्राचे संचालक डॉ.संदीप तांबारे यांच्याकडून माहिती घेतली. येथील रुग्णांची आस्थेवाईकपणे चौकशी केली, तसेच डॉ.तांबारे यांना व्यसनमुक्ती केंद्रातील अडचणी विषयी राज्य शासनाकडून पूर्ण सहकार्य करण्याचे आश्वासनही दिले. यावेळी राज्यमंत्री संजय बनसोडे, आमदार विक्रम काळे, माजी आमदार राहुल मोटे, राष्ट्रवादीचे जिल्हाध्यक्ष सुरेश बिराजदार, जीवनराव गोरे, राष्ट्रवादी डॉक्टर सेलचे प्रदेशाध्यक्ष डॉक्टर नरेंद्र काळे, राष्ट्रवादी युवती प्रदेशाध्यक्ष सक्षणा सलगर, राष्ट्रवादी वक्ता प्रशिक्षण विभागाचे प्रदेश उपाध्यक्ष प्रा.तुषार वाघमारे आदी उपस्थित हाेते.