धाराशिव : भाजपाचा बालेकिल्ला असलेल्या कसबा विधानसभा मतदारसंघाच्या पाेटनिवणुकीत महाविकास आघाडीचे उमेदवार रवींद्र धंगेकर यांच्या विजयाची घाेषणा हाेताच, धाराशिव शहरातील छत्रपती शिवाजी महाराज चाैकात काॅंग्रेस, राष्ट्रवादीसह ठाकरे गटाच्या पदाधिकाऱ्यांनी एकत्र येत जल्लाेष केला. एकमेकांना पेढे भरवून फटाकेही फाेडले.
कसबा विधानसभा मतदारसंघाच्या पाेटनिवडणुकीमध्ये महाविकास आघाडीचे उमेदवार रवींद्र धंगेकर यांनी भाजपाचे उमेदवार रासने यांचा अकरा हजारांहून अधिक मताधिक्य घेऊन पराभव केला. निवडणूक विभागाकडून घाेषणा हाेताच काॅंग्रेससाेबतच राष्ट्रवादी आणि ठाकरे गटाचे शहरातील पदाधिकारी छत्रपती शिवाजी महाराज चाैकात एकत्र जमण्यास सुरुवात झाली. साधारणपणे अडीच वाजेच्या सुमारास सर्व पदाधिकारी जमल्यानंतर जाेरदार घाेषणाबाजी सुरू करण्यात आली. यानंतर फटाकेही फाेडले. गुलालाची उधळण करीत एकमेकांना पेढेही भरविले. यावेळी काॅंग्रेसचे शहराध्यक्ष अग्निवेश शिंदे, उमेश राजेनिंबाळकर, राष्ट्रवादीचे संजय पाटील दुधगावकर, ठाकरे गटाचे साेमनाथ गुरव, माजी नगरसेवक सिद्धार्थ बनसाेडे, बाळासाहेब काकडे, प्रशांत साळुंके, राजाभाऊ शेरखाने, प्रशांत पाटील, धनंजय राऊत, रवी काेरे, खलील सय्यद, प्रभाकर लाेंढे आदी पदाधिकारी, कार्यकर्ते माेठ्या संख्येने उपस्थित हाेते.