शिराढोण : कळंब तालुक्यातील शिराढोण येथे २५ खाटांच्या कोविड केअर सेंटरचे उद्घाटन उपविभागीय अधिकारी अहिल्या गाठाळ यांच्या हस्ते मंगळवारी करण्यात आले. या सेंटरसाठी आमदार राणाजगजितसिंह पाटील यांनी बेड उपलब्ध करून दिले आहेत.
कोविड केअर सेंटरसाठी आदर्श जिल्हा परिषद शाळेमध्ये सोयीस्कर जागा असल्यामुळे महसूल विभागाने मंजुरी दिली होती. कोविड केअर सेंटरसाठी भौतिक सुविधा, साफसफाई, वीज, पंखे, पाणी आदींची पूर्तता केल्याने मंगळवारी हे कोविड केअर सेंटर सुरु झाले. यावेळी सरपंच पद्माकर पाटील, तहसीलदार आर. बी. शिंदे, अस्लम जमादार, वैद्यकीय अधिकारी महेश गुरणे, डाॅ. भाग्यश्री चाळक, डाॅ. विकी परदेशी, मंडल अधिकारी शिवशंकर पाचभाई, तलाठी बाळहरी कलढोणे, शहाजी पाटील, किरण पाटील, सुरेश महाजन, चंद्रकांत महाजन, पवन म्हेत्रे, ताजखाॅ पठाण, आदी उपस्थित होते. यासाठी राहुल यादव, सुनील पांचाळ, सचिन गायकवाड, दीपक यादव यांनी पुढाकार घेतला.