लोहारा : तालुक्यातील माकणी येथे लोकसहभागातून उभारण्यात आलेल्या २५ बेडच्या आयसोलेशन केंद्राचे उद्घाटन बुधवारी तहसीलदार संतोष रुईकर व किशोर साठे यांच्या हस्ते करण्यात आले.
माकणी येथे कोरोना रुग्णांची संख्या वाढत असून, येथील रुग्ण लोहारा, तुळजापूर व उस्मानाबाद येथे पाठविले जात आहेत. परंतु, तेथेही बेड उपलब्ध होत नसल्यामुळे रुग्णांची गैरसोय होत आहे. ही बाब लक्षात घेऊन सरपंच विठ्ठल साठे यांनी गावातच २५ बेडचे आयसोलोशन केंद्र लोकसहभागातून सुरु करण्याचा प्रस्ताव ग्रामस्थांसमोर मांडला होता. यास सर्वांनी संमती दिल्यानंतर हे काम युध्दपातळीवर सुरू करण्यात आले. यामुळे गावातील कोरोना पाँझिटिव्ह रुग्णांची गावातच सोय होणार आहे.
याचे उद्घाटन बुधवारी झाले. अध्यक्षस्थांनी सरपंच विठ्ठल साठे तर प्रमुख पाहुणे म्हणून गटविकास अधिकारी सोपान अकेले, तालुका वैद्यकीय अधिकारी डॉ. अशोक कटारे, स्पर्श रुग्णालयाचे प्रकल्प अधिकारी रमाकांत जोशी, डॉ. सुहासिनी माने, ॲड. विश्वनाथ पत्रिके, उपसरपंच वामन भोरे, दादासाहेब मुळे, ज्ञानेश्वर सूर्यवंशी, पंडित ढोणे, ॲड. दादासाहेब जानकर, प्रा. सिध्देश्वर साठे, सुभाष आळंगे, ओमकार साठे, संजय साठे, उमेश कडले, बालाजी साठे, शिवाजी साठे, अशोक साठे, सरदार मुजावर, अभिमन्यू कुसळकर, गोवर्धन आलमले, अच्युत चिकुंद्रे, बाळू कांबळे, उमाशंकर कलशेट्टी, गोपाळ ढोणे, पोपट पवार, शुभम साठे, ग्रामविकास अधिकारी महादेव जगताप, तलाठी मनियार वाजिद, वैद्यकीय अधिकारी संतोष मनाळे आदी उपस्थित होते.