उस्मानाबाद : शहरातील माणिक चाैकातील दुकानफाेडीच्या घटनेतील चाैघांना स्थानिक गुन्हे शाखेच्या पथकाने बेड्या ठाेकल्या. त्यांच्याकडून गुन्ह्यात वापरलेल्या दाेन दुचाकींसह मुद्देमाल जप्त करण्यात आला.
याबाबत पाेलिसांकडून मिळालेली अधिक माहिती अशी की, उस्मानाबाद शहरातील माणिक चाैकातील दुकानफाेडीची घटना ११ जानेवारीच्या मध्यरात्री घडली हाेती. या घटनेत अज्ञात चाेरट्यांनी विविध कंपन्यांचे तयार कपडे, सदरे-विजारी, संगीत उपकरणे, असा एकूण ३९ हजार ७५० रुपयांचा ऐवज चाेरून नेला हाेता. सकाळी ही घटना उघडकीस आल्यानंतर आनंदनगर पाेलीस ठाण्यात भा.दं.सं.चे कलम ४५७, ३८० अन्वये गुन्हा नाेंद झाला हाेता. घटनेनंतर स्थानिक गुन्हे शाखेच्या पथकाने दुकानाच्या परिसरातील सीसीटीव्ही छायाचित्रणावरून तपासाची चक्रे फिरविली. या माध्यमातून हाती लागलेल्या माहितीच्या आधारे पथकाने मनीष भेंडेगावे ऊर्फ महाबळेश्वर (रा. काकानगर), आतीश शिंदे (रा. शिंगाेली) यांच्यासह दाेन अल्पवयीन मुलांना ताब्यात घेतले. गुन्ह्यात वापरलेल्या दाेन दुचाकींसह मुद्देमाल हस्तगत करण्यात आला. पुढील कार्यवाहीसाठी संबंधितांना आनंदनगर पाेलिसांच्या ताब्यात देण्यात आले. ही कारवाई स्थानिक गुन्हे शाखेचे पाेनि. गजानन घाडगे यांच्या मार्गदर्शनाखाली सपाेनि. निलंगेकर, पाेना. कावरे, पाेकाॅ. अशाेक ढगारे, दीपक लाव्हरे-पाटील, पाेकाॅ. साेनवणे यांच्या पथकाने केली.