अध्यक्षस्थानी आमदार कैलास पाटील, तर प्रमुख पाहुणे म्हणून मनसेचे दिलीप धोत्रे, उद्योजक प्रशांत चेडे, शिवसेना तालुका प्रमुख शिवाजी कापसे, ज्ञान प्रसारक मंडळाचे सचिव डॉ. अशोकराव मोहेकर आदी उपस्थित होते. यावेळी मोहेकर ॲग्रोचे चेअरमन हनुमंत मडके, दहीफळचे सरपंच चरणेश्वर पाटील, मोहाचे सरपंच राजू झोरी, ढोकीचे सरपंच अमोल समुद्रे, उपसरपंच सोमनाथ मडके, लातूर मल्टिस्टेटचे चेअरमन सगरे, मोहेकर मल्टिस्टेटचे कार्यकारी संचालक विशाल मडके, ॲग्रोचे कार्यकारी संचालक संतोष मडके आदी उपस्थित होते.
प्रारंभी मोहेकर मल्टिस्टेट व मोहेकर ॲग्रो इंडस्ट्रीज कर्मचाऱ्यांसाठी उभारलेल्या व्यायामशाळेचे उद्घाटन करण्यात आले. त्यानंतर बॉयलर पूजन करून कार्यक्रमाला सुरुवात झाली. यावेळी ज्ञानप्रसार माध्यमिक व उच्च माध्यमिक विद्यालयातील दहावी, बारावी परीक्षेतील गुणवंतांचा मान्यवरांच्याहस्ते सत्कार करण्यात आला.
यावेळी हणमंत मडके यांनी, शेतकऱ्यांचे हित डोळ्यासमोर ठेवून कारखान्याची उभारणी केली असून, ॲग्रो इंडस्ट्रीजच्या माध्यमातून उसाला चांगला भाव देण्यासाठी प्रयत्नशील राहीन. तसेच ‘ज्यूस टू इथेनॉल’ प्रोजेक्ट राबविला जाणार असल्याचे सांगितले.
सूत्रसंचालन भारत जोशी यांनी केले, तर आभार कार्यकारी संचालक संतोष मडके यांनी मानले.
चौकट......
कर्मचाऱ्यांना सोन्याची अंगठी
मोहेकर मल्टिस्टेटचे चेअरमन हनुमंत मडके व मार्गदर्शक डॉ. अशोकराव मोहेकर यांच्या संकल्पनेतून, संस्थेमधून उत्कृष्ट कर्मचाऱ्यांची निवड केली जाते. यंदा मल्टिस्टेट स्थापनेपासूनच बरोबर असलेले व्यवस्थापक फुलचंद मडके यांचा शाल, श्रीफळ व दहा ग्रॅम सोन्याची अंगठी घालून सत्कार करण्यात आला.
यावेळी शिक्षणमहर्षी ज्ञानदेव मोहेकर मल्टिस्टेट तथा मोहेकर ॲग्रो इंडस्ट्रीजकडून ज्ञान प्रसारक मंडळाचे सचिव डॉ. अशोकराव मोहेकर यांना ‘मोहा भूषण’ पुरस्कार देऊन सन्मानित करण्यात आले.
नुकत्याच स्थापन झालेल्या मोहा पत्रकार संघाकडून संस्थेचे चेअरमन हनुमंत मडके यांचा ‘उद्योगरत्न’ पुरस्कार देऊन सन्मान करण्यात आला.