कसबे तडवळे : पोलीस प्रशासनाकडून जिल्ह्यातील काही बीटला बीट मार्शल म्हणून नवीन दुचाकी देण्यात आल्या आहेत. ढोकी पोलीस ठाणे अंतर्गत येणाऱ्या तडवळे बीटला देखील ही दुचाकी मिळाली असून, याचे पूजन तंटामुक्त समितीचे अध्यक्ष सुनील वळेकर यांच्या हस्ते करण्यात आले. या बीट मार्शल दुचाकीला जीपीएस यंत्रणा बसविण्यात आलेली असून, यावर नियंत्रण कक्षाचा क्रमांक, संबंधित बीटच्या जमादारचा व्हाॅट्सॲप क्रमांक आणि ११२ क्रमांक असणार आहे. या क्रमांकावर कॉल केल्यास नागरिकांना दवाखाना आणि पोलीस या दोन्ही यंत्रणांची एकाच नंबरवर तत्काळ मदत मिळणार आहे. यावेळी बीटचे जमादार गजेंद्र गुंजकर, पोलीस शिपाई श्याम छत्रे, माजी उपसरपंच तुळशीदास जमाले, विकास उबाळे, भागवत शिंदे, अमर शेख, सुहास सावंत, प्रताप करंजकर, रौफ कोरबू, शकील कोतवाल, हनुमंत माळी, रामचंद्र जमाले, तुकाराम शिंदे व विशाल कानगे यांची उपस्थिती होती.
140721\5213img-20210714-wa0058.jpg
बीट मार्शल मोटरसाईकलचे पुजन