संभाजी ब्रिगेडच्या प्रदेश संघटकपदी अतुल गायकवाड

कळंब : संभाजी ब्रिगेडच्या महाराष्ट्र राज्य प्रदेश संघटकपदी अतुल विक्रम गायकवाड यांची निवड झाली आहे. गायकवाड हे गेली अनेक वर्षापासून संभाजी ब्रिगेडच्या माध्यमातून सामाजिक चळवळीत सक्रिय आहेत. यापूर्वी त्यांनी संभाजी ब्रिगेडचे जिल्हाध्यक्ष, प्रदेश प्रवक्ते आदी पदांवर काम पाहिले आहे. प्रदेशाध्यक्ष मनोज आखरे व महासचिव सौरभ खेडेकर यांनी मेलद्वारे निवडीचे पत्र पाठवून गायकवाड यांना प्रदेश संघटक पदाची जबाबदारी दिली आहे. याबद्दल जिल्हा शाखेच्या वतीने जिल्हाध्यक्ष ॲड. तानाजी चौधरी, कामगार आघाडीचे जिल्हाध्यक्ष दत्ता कवडे, जिल्हा संघटक विकास गडकर, बीड जिल्हा सचिव विलास गुंठाळ, भगवान केसरे, शाहीर बंडू खराटे, अनिल जाधव, शिवदास पवार, रणजीत पवार, सुनीत रितापुरे, सूरज कवडे, महादेव घुले आदींनी त्यांचा सत्कार केला.