वाहतुकीचे नियम मोडणाऱ्या वाहनचालकांना शिस्त लागावी, यासाठी उस्मानाबाद शहर वाहतूक शाखेच्या वतीने धडक कारवाईची मोहीम राबविली जात असते. गतवर्षी वाहने रस्त्यावर पार्क करणे, धोकादायकरित्या वाहन चालवणे, ट्रिपल सिट प्रवास, विनापरवाना वाहन चालविणे, वाहनचालविताना मोबाईलवर बोलणे, विना हेल्मेट प्रवास करणाऱ्या वाहनचालकांवर शहर वाहतूक शाखेच्या वतीने शहरातील छत्रपती शिवाजी महाराज चौक, मध्यवर्ती बसस्थानक परिसर, आठवडी बाजार, मध्यवर्ती प्रशासकीय इमारत, राजमाता जिजाऊ चौक, नेहरु चौकात कारवाया केल्या जात असतात. गेल्या वर्षभरात नियमांचे उल्लंघन सुमारे ८० हजार वाहनचालकांवर कारवाया करण्यात आल्या आहेत. यातील २२ हजार ४२० वाहनचालकांकडून ५२ लाख ५७ हजार ३०० रुपयांचा दंड वसूल करण्यात आला आहे. तर ५५ हजार वाहनचालकांनी ना वाहतुकीचे नियम मोडून सुमारे १ कोटी रुपयांचा दंड थकविला आहे. नियम मोडणाऱ्या वाहनचालकांवर कारवाईची मोहिम राबविली जात असली तरी दुसरीकडे वाहनचालक मात्र वाहतूक नियमांबाबत बेफिकीर असल्याचे आढळून येत आहेत.
कारवाई २२४२०
दंड ५२५७३००
पॉईंटर
अशी आहे कारवाई
नो पार्किंग
१६६९०
३३३८०००
धोकादाय वाहन
१७२
१७२०००
ट्रिपल सिट
२५०३
५००६००
विना परवाना
२०३९
१०१९५००
मोबाईलचा वापर
१०३६
२०७२००
कारवाई झालेले वाहनधारक
वाहनधारकांकडून वसूल केलेला दंड
चौकट...
तर वाहन परवाना रद्द
शासनाने घालून दिलेल्या वाहतूक नियमांचे पालन करणे बंधनकारक आहे. नियम मोडणार्यांकडून ठरावीक दंड वसल केला जातो. तो निर्धारित वेळेत न भरल्यास वाहन परवाना रद्द होऊ शकतो.
कोट...
वाहतूक नियमांचे उल्लंघन करणाऱ्या वाहनचालकांकरवर कारवाई केली जात आहे. गेल्या वर्षभरात ८० हजार वाहनचालकांवर कारवाई केली आहे.५५ हजाराच्या जवळपास वाहनधारकांनी दंड भरलेला नाही. वाहनचालकांनी वाहनावरील थकीत दंड भरण्यात यावा, जे वाहनचालक दंड भरीत नाहीत. त्यांना नोटीसा दिल्या जाणार आहेत.
इक्बाल सय्यद, पोलीस निरीक्षक वाहतूक शाखा