उस्मानाबाद -माेटार वाहन कायद्याचे उल्लंघन केल्या प्रकरणी १७६ चालकांविरूद्ध कारवाईचा बडगा उगारण्यात आला. त्यांच्याकडून दंडापाेटी सुमारे ३७ हजार ३०० रूपये वसूल करण्यात आले आहे. ही कारवाई जिल्ह्यातील अठरा पाेलीस ठाणे व शहर वाहतूक शाखेकडून २७ एप्रिल राेजी करण्यात आली. दरम्यान, कारवाईची ही माेहीम यापुढेही सुरूच ठेवण्यात येणार आहे. त्यामुळे चालकांनी वाहतूक नियमांचे पालन करावे, असे आवाहन शहर वाहतूक शाखेने केले आहे.
मास्कचा न वापर करणे भाेवले
उस्मानाबाद - काेराेनाचा संसर्ग राेखण्यासाठी सार्वजनिक ठिकाणी वावरताना मास्कचा वापर बंधनकारक केला आहे. असे असतानाही अनेकजण विनामास्क वावरत आहेत. अशा १२ लाेकांविरूद्ध पाेलिसांनी कारवाईचा बडगा उगारला. त्यांच्याकडून दंडापाेटी ६ हजार ५०० रूपये वसूल करण्यात आले. तसेच सार्वजनिक ठिकाणी थुंकण्यास मनाई आहे. हा आदेश झुगारल्या प्रकरणी २१ जणांना दंड केला.
पारगावात अवैध दारू विक्री
उस्मानाबाद -वाशी तालुक्यातील पारगाव येथे २७ एप्रिल राेजी पाेलिसांनी छापा मारून विजय नारायण तळेकर यांच्याविरूद्ध कारवाई केली. त्यांच्याकडून देशी दारूच्या आठ बाटल्या जप्त केल्या. या प्रकरणी संबंधिताविरूद्ध वाशी पाेलीस ठाण्यात गुन्हा दाखल करण्यात आला आहे. अधिक तपास पाेलीस करीत आहेत.
तलावातून विद्युतपंप केला लंपास
उस्मानाबाद - तुळजापूर तालुक्यातील सांगवी काटी तलावात शेतकरी बालिका सुधाकर वडणे यांनी ५ अश्वशक्तीचा विद्युतपंप बसविला हाेता. अज्ञात चाेरट्यांनी २४ ते २५ एप्रिल या कालावधीत सदरील विद्युतपंप लंपास केला. हा प्रकार समाेर आल्यानंतर वडणे यांनी तामलवाडी पाेलीस ठाणे गाठून फिर्याद दाखल केली. त्यावरून २७ एप्रिल राेजी अज्ञात चाेरट्यांविरूद्ध गुन्हा दाखल करण्यात आला आहे.
गाेदामातून हरभर्याची ३२ पाेती लांबविली
उस्मानाबाद - तालुक्यातील ढाेकी येथील आर. के. गाेदामाच्या पाठीमागील बाजुचा पत्रा कापून अज्ञात चाेरट्यांनी हरभर्याची सुमारे १ लाख २५ हजार रूपये किंमतीची ३२ पाेती लंपास केली. या प्रकरणी बीज प्रक्रिया केंद्र अभियंता पंडित जाधव यांनी २७ एप्रिल राेजी ढाेकी ठाण्यात फिर्याद दिली. त्यावरून अज्ञात चाेरट्यांविरूद्ध गुन्हा दाखल करण्यात आला आहे. अधिक तपास पाेलीस करीत आहेत.