सारांश

भा.का.लाठी विद्यामंदिरात स्नेहसंमेलन
जळगाव- भा.का.लाठी विद्यामंदिर व शिशुविहार शाळेत वार्षिक पारितोषिक वितरणाचा कार्यक्रम संस्थेचे उपाध्यक्ष दिलीप लाठी यांच्या अध्यक्षतेखाली उत्साहात झाला. यावेळी पोलिस निरीक्षक शाम तरवाडकर, विक्रीकर अधिकारी निलेश प्रधान, गजमल नाईक व मुकूंद लाठी उपस्थित होते. प्रास्तविक मुख्याध्यापक जयप्रकाश लांबोळे यांनी केले.

शकुंतला विद्यालयात योगशिबिर
जळगाव- शकंुतला प्राथमिक विद्यालयात सोहम योग केंद्रातर्फे १८ पासून योग शिबिरास योगकेंद्राच्या प्रमुख आरती गोरे यांच्या मार्गदर्शनाने सुरूवात झाली असून उद्घाटन प्रा. रत्ना चौधरी यांनी केले. शिबिरात इयत्ता ३ व ४ थीच्या ४० विद्यार्थ्यांनी सहभाग नोंदविला आहे. यावेळी मुख्याध्यापिका नेहा जंगले, स्वाती जंगले, लक्ष्मी भालेराव व राहुल चौधरी आदी शिक्षक उपस्थित होते.

राज अभ्यासिका केंद्राचा स्पर्धा परिक्षा मेळावा
जळगाव- राज अभ्यासिका केंद्र व द. युनिक अकॅडमी पुणे यांंच्या संयुक्त विद्यमाने स्पर्धा परिक्षा मेळावा रोहिणी खडसे(खेवलकर) यांच्या अध्यक्षतेखाली झाला. जिल्हाधिकारी रुबल अग्रवाल व प्रमुख मार्गदर्शक नागेश गव्हाणे यांनी मार्गदर्शन केले. यावेळी आमदार राजुमामा भोळे, डॉ. ए.जी.भंगाळे, सहा. विक्रीकर आयुक्त सुर्यकांत कुमावत, सुनील भंगाळे, डॉ. स्नेहल फेगडे, ललीत चौधरी, महेश पाटील आदी उपस्थित होते. प्रास्तविक विष्णू भंगाळे यांनी तर, सुत्रसंचलन डॉ. कल्पना भारंबे यांनी केले.