वावरेच्या विद्यार्थिनींना बेस्ट कॅडेटचा मान

नाशिक : येथील कर्मवीर शांतारामबापू कोंडाजी वावरे महाविद्यालयातील राष्ट्रीय छात्र सेनेच्या वन महाराष्ट्र गर्ल्स बटालियनच्या विद्यार्थिनींचा सावित्रीबाई फुले पुणे विद्यापीठाच्या विद्यार्थी कल्याण मंडळ अंतर्गत बेस्ट कॅडेट म्हणून सत्कार करण्यात आला. यात नेहा चौधरी, कल्याणी बकरे, मोहिनी गुजर व प्रा. डॉ. मीनाक्षी गवळी यांना विद्यापीठातर्फे गौरविण्यात आले. या विद्यार्थिनींनी प्रजासत्ताक दिनी दिल्लीतील संचलनात महाराष्ट्राचे प्रतिनिधित्व केले होते. तसेच बेटी बचाओ, स्वच्छता अभियान, रक्तदान शिबिर, वृक्षारोपण, एड्स निर्मूलन, प्लॅस्टिक निर्मूलन आदि सामाजिक उपक्र मातही त्यांनी उत्कृष्ट काम केल्यामुळे त्यांना हा सन्मान मिळाला आहे.