औरंगाबाद : यंग इलेव्हन ब संघाने एमजीएम ट्वेंटी २0 करंडक क्रिकेट स्पर्धेत इकबाल सिद्दीकी फॅन क्लब संघावर ६ गडी राखून मात केली. दुसºया सामन्यात श्रेयस इलेव्हनने यंग इलेव्हन अ संघावर निसटता विजय मिळवला.सकाळच्या सत्रात इकबाल सिद्दीकी फॅन क्लबने प्रथम फलंदाजी करताना ६ बाद १५३ धावा केल्या. त्यांच्याकडून प्रीतेश चार्ल्सने ३५, राहुल जोनवालने ३४ व शेख मुकीमने ३0 धावा केल्या. यंग इलेव्हन ब संघाकडून विकास नगरकरने २, तर शुभम चाटेने ३ गडी बाद केले. प्रत्युत्तरात यंग इलेव्हन ब संघाने विजयी लक्ष्य १७.३ षटकांत ३ गडी गमावून गाठले. त्यांच्याकडून विकास नगरकरने तडाखेबंद फलंदाजी करताना ४६ चेंडूंतच ९ चौकार व ३ षटकारांसह ८१ धावा ठोकल्या. अतुल वालेकरने ४ चौकार, एका षटकारासह नाबाद ४६ धावा केल्या.दुपारच्या सत्रात श्रेयस इलेव्हन संघाविरुद्ध यंग इलेव्हन अ संघ १0२ धावांत गारद झाला. त्यांच्याकडून स्वप्नील चव्हाणने २९, प्रवीण क्षीरसागरने ३१ आणि राहुल शर्माने १९ धावा केल्या. श्रेयस इलेव्हनतर्फे इशांत राय याने ६ धावांत ४ गडी बाद केले. माजीद खान व मुस्तफा शहाने १ गडी बाद केला. प्रत्युत्तरात श्रेयस इलेव्हनने विजयी लक्ष्य १८.२ षटकांत ९ गडी गमावून पूर्ण केले. त्यांच्याकडून इशांत रायने ५ चौकार व एका षटकारासह ४१ चेंडूंत नाबाद ३६ धावा केल्या. माजीद खानने १२ धावा केल्या. यंग इलेव्हन अ संघाकडून प्रवीण क्षीरसागर व संदीप शर्मा यांनी प्रत्येकी ३, तर स्वप्नील चव्हाणने २ गडी बाद केले.
यंग इलेव्हनची सिद्दीकी क्लबवर मात
By लोकमत न्यूज नेटवर्क | Updated: December 2, 2017 00:49 IST