पिशोर : नादरपूर येथे कर्जाच्या चिंतेपायी गळफास घेऊन एका तरुणाने आत्महत्या केल्याची घटना सोमवारी सकाळी उघडकीस आली. नवनाथ सूर्यभान निकम (३२) असे तरुणाचे नाव आहे.
नादरपूर येथील नवनाथ निकम यांच्याकडे कार असून, ते भाड्याने चालवित होते. कोरोनामुळे व्यवसाय बंद असल्याने ते वेळेवर कर्जाचे हप्ते फेडू शकत नव्हते. त्यात त्यांच्याकडे अजून खासगी कर्जाचाही डोंगर होता. धंदाच बंद असल्याने हे कर्ज, गाडी हप्ते कसे भरावे, याची त्यांना चिंता लागली होती. या विवंचनेतच त्यांनी रविवारी रात्री घरात साडीच्या सहाय्याने गळफास घेतला. याबाबत माहिती मिळताच पिशोर पोलीस ठाण्याचे सहायक फौजदार सोनाजी तुपे, पोना सोनवणे यांनी घटनास्थळी जाऊन पंचनामा केला. नवनाथ निकम यांच्या पश्चात आई-वडील, पत्नी, भाऊ, बहीण, दोन मुली, एक मुलगा असा परिवार आहे. याप्रकरणी पिशोर पोलीस ठाण्यात अकस्मात मृत्यूची नोंद करण्यात आली आहे.
030521\patel mubeen abdul gafoor_img-20210503-wa0014_1.jpg
नवनाथ निकम