सुशिक्षित बेरोजगारास पाऊण लाखाचा गंडा

नवीन नांदेड : सिंगापूर व दुुबई येथे नोकरी मिळवून देण्याचे आमिष दाखवून गंडा घातल्याप्रकरणी ६ जणांविरूद्ध गुन्हा दाखल करण्यात आला.

 नवीन नांदेड : सिंगापूर व दुुबई येथे नोकरी मिळवून देण्याचे आमिष दाखवून एका २९ वर्षीय तरूणास ७७ हजार ४७४ रूपयांचा गंडा घातल्याप्रकरणी ‘डब्ल्यू डब्ल्यू डब्ल्यू’ रोजगार जॉब्स कंपनी व ‘डब्ल्यू डब्ल्यू डब्ल्यू’ अलर्टस नोकरी कंपनीच्या प्रतिनिधींसह ६ जणांविरूद्ध गुन्हा दाखल करण्यात आला. पोलिस सुत्रांनी दिलेल्या माहितीनुसार, नवीन नांदेड परिसरातील एनडी-३२, हडको येथील रहिवासी ऋषिकेश पुरूषोत्तम पांडे यांच्या ‘भ्रमणध्वनी’वर ११ ते १४ जानेवारी २०१४ दरम्यान, ‘डब्ल्यू डब्ल्यू डब्ल्यू’ रोजगार जॉब्स कंपनी व ‘डब्ल्यू डब्ल्यू डब्ल्यू’ अलर्टस नोकरी कंपनीचे प्रतिनिधी यांच्यासह अर्जुन कश्यप,करण जोहर, पंकज यादव व मोहित यांचा फोन आला. दरम्यान, ऋषिकेश पांडे यांना उपरोल्लेखित आरोपींनी बर्‍याचवेळा ‘भ्रमणध्वनी’वर संपर्क साधून सिंगापूर व दुबई येथे नोकरी मिळवून देण्याचे आश्वासन दिले़ त्यासाठी कंपनीच्या वेबसाईटवर नोंदणी करण्यात सांगीतली़ त्यानंतर पांडे यांना रोजगार जॉब्स कंपनीच्या नावाने पैसे भरण्यास सांगीतले़ पांडे यांनी त्यांच्या अ‍ॅक्सीस बँकेच्या खात्यातून ११ जानेवारी २०१४ रोजी १३ हजार २०० रूपये आणि १४ जानेवारी २०१४ रोजी १३ हजार ५४० रूपये भरले. एकूणच, आरोपींनी पांडे यांच्याकडून अनुक्रमे ५३ हजार ६६० व २३ हजार ८१४ असे एकूण ७७ हजार ४७४ रूपये घेतले़ परंतु कोणतीही नोकरी लावून दिली नाही़ आपली फसवणूक झाल्याचे लक्षात आल्यावर ऋषिकेश पांडे यांनी ग्रामीण ठाणे गाठून फसवणूक झाल्याची तक्रार दिली़ त्यानुसार उपरोक्त सहा जणांविरुद्ध गुन्हा नोंद करण्यात आला़ तपास सपोनि़ एम़टी़ कदम हे करीत आहेत़ मोबाईलवर संपर्क साधून फसव्या जाहिरातींद्वारे अनेकांची आर्थिक फसवणूक होते़ मोबाईल, इंटरनेटचा वाढता वापर लक्षात घेता ग्राहकांची आर्थिक फसवणूक करणारे सायबर चोरटे सक्रिय झाले आहेत़ असे कॉल्स व त्यांच्या आॅफर्सची शहानिशा करणे गरजेचे आहे़ विशेषत: हे कॉल्स विदेशातून असतील तर अधिक जागरुकता बाळगावी़ नागरिकांनी याबाबत दक्षता पाळावी असे आवाहन पोलिस विभागाकडून करण्यात आले आहे़ (वार्ताहर)