-------------------------
कंपनीत बेशुद्ध पडलेल्या कामगाराचा मृत्यू
वाळूज महानगर : कंपनीत काम करत असताना अचानक छातीत चमक निघून बेशुद्ध पडलेल्या कामगाराचा मृत्यू झाल्याची घटना सोमवारी (दि.८) वाळूज उद्योगनगरीतील एका कंपनीत घडली. संतोष भानुदास कुंभारे (वय ३८, रा. वडगाव कोल्हाटी ) हे वाळूज उद्योगनगरीतील एबी ब्रेव्हरीज कंपनीत काम करतात. सोमवारी कुंभारे हे कंपनीत काम करत असताना सकाळी ८.१५ वाजेच्या सुमारास अचानक छातीत चमक निघाल्याने ते कंपनीत बेशुद्ध पडले. श्रीहरी शिंगेवार यांनी त्यांना घाटी दवाखान्यात दाखल केले. डॉक्टरांनी कुंभारे यांना तपासून मयत घोषित केले. याप्रकरणी एमआयडीसी वाळूज पोलीस ठाण्यात आकस्मात मृत्यूची नोंद घेण्यात आली असून पुढील तपास पोहेकॉ. सुखदेव भागडे हे करीत आहेत.
-------------------