अडीच हजार प्रस्ताव

गंगाधर तोगरे, कंधारगाव निर्मल करण्यासाठी नरेगा व निर्मल भारत अभियान अशी सांगड घालण्यात आली आहे़ अवघ्या काही तासातच १८६१ अर्ज गावकऱ्यांनी दाखल केले़ जवळपास २ हजार ५४५ प्रस्ताव दाखल झाले असून योजना गतिमान करण्यासाठी गटविकास अधिकारी, मिनी गटविकास अधिकारी आदींनी कंबर कसली आहे़स्वच्छतेतून समृद्धी, निरोगीपणा निर्माण करण्याचा शासन स्तरावरून प्रयत्न केला जात आहे़ गावात सुखसमृद्धीचा मंत्र यशस्वी करण्यासाठी नरेगा-निर्मल भारत अभियानाची योग्य साथ घेतली गेली आहे़ अल्पभूधारक महिला कुटुंब प्रमुख आदी लाभार्थ्यांना शौचालय बांधकाम करण्यासाठी योजना कार्यान्वित करण्यात आली आहे़ नरेगांतर्गत ५ हजार ४०० व निर्मल भारतमधून ४ हजार ६०० असे एकूण १० हजारातून शौचालय आकाराला येणार आहे़ त्यामुळे मे पासून आजपावेतो तब्बल २ हजार ५४५ प्रस्ताव दाखल झाले़ विशेष म्हणजे १५ आॅगस्ट रोजी ग्रामसभेतून अर्ज मागविण्याचा कार्यक्रम राबविण्यात आला़ अवघ्या काही तासांत १८६१ लाभार्थ्यााचे अर्ज दाखल झाले़कारतळा-३१, गुलाबवाडी २६, दैठणा ५७, हरबळ ८, जाकापूर १२, महालिंगी ३२, रूई १०, घागरदरा ९५, चिंचोली १०, चौकी महाकाया १४, गोगदरी १२, मंगनाळी १०, बाभूळगाव १९, मादाळी ५८, खंडगाव १०१, पांगरा ४६, भोचूचीवाडी २७, नंदनवन ३४, शिरूर १७, लाडका १०, भूकारी ७, कल्हाळी १९, गुंडा-बिंडा-दिंडा १०, आंबुलगा २८, हरसूळ १०, धानोरा कौठा ११, गंगनबीड १०, हरबळ पक़़-८, मानसपुरी १०, रामानाईकतांडा, २२, नारनाळी १९, घोडज ६१, फुलवळ १६, वहाद ७, गोणार १, तेलूर ५, नंदनशिवणी १०, बोरी खु़११, चिखली २७, मोहिजा (प़) २२, शिरसी (खू़), १२, दिग्रस ५९, शिराढोण ३०, उस्माननगर ५४, कुरुळा २२, नावंद्याचीवाडी १८, येलूर १५, हिप्परगा (शहा)-१७, बोळका १०, पाताळगंगा ११, मंगनाळी २०, तळ्याचीवाडी १२२, तेलंगवाडी ५, सावरगाव (नि़) १८, कळका १०, बोरी बु़ १२, सावळेश्वर २२, पेठवडज ८७, चिखलभोसी १७५, खुड्याचीवाडी १२, चौकी धर्मापुरी २३, दाताळा ६४, बारूळ २३, रहाटी १२, तेलंगवाडी २९, दहीकळंबा १९, लालवाडी ५९, काटकळंबा १७, उमरज ४८, संगुचीवाडी १०, पानभोसी १४४, शेकापूर १०, बाळांतवाडी ३६, मंगलसांगवी १९, कंधारेवाडी ४१० आदी गावचे प्रस्ताव दाखल झाले़ निर्मल गावे करण्यासाठी तत्कालीन गटविकास अधिकारी प्रदीप सोनटक्के व विद्यमान गटविकास अधिकारी अनंत कदम यांनी पुढाकार घेतला़ आता मुख्य कार्यकारी अधिकारी अभिमन्यू काळे यांनी अभिनव उपक्रम सुरू केला आहे़ प्रत्यक्ष सर्कलनिहाय मिनी बीडीओ संकल्पना राबविली जात आहे़ सर्व योजनेची कामे करण्यात यावीत, गावात योजना प्रभावीपणे राबविण्यासाठी, गावकऱ्यांना प्रेरणा देण्यासाठी, एका गावात मंगळवारी मुक्कामी राहणे, रात्री ग्रामसभा घेणे आदी कामासाठी हा उपक्रम सुरू करण्यात आला आहे़ म्हणून मिनी बीडीओ प्रदीप सोनटक्के (कौठा), शेख लतीफ (फुलवळ), गोविंद मांजरमकर (बहाद्दरपुरा), शरद बेलदार (शिराढोण), राम चोंडे (कुरुळा) व गणपत पांडलवाड (पेठवडज) यांच्यावर जबाबदारी सोपविण्यात आली आहे़ शौचालय बांधकामासाठी गती आणण्यात येत आहे़