ट्रकच्या धडकेत दुचाकीस्वार ठार

सिल्लोड : औरंगाबाद-जळगाव रस्त्यावर सिल्लोडजवळील स्मशानभूमीजवळ भरधाव वेगाने जाणाऱ्या ट्रकने दुचाकीस्वारास जोरदार धडक दिल्याने दुचाकीस्वाराचा जागीच मृत्यू झाला. ही घटना रविवारी (दि.२९) सकाळी ९ वाजेच्या सुमारास घडली.या अपघातात मरण पावलेल्या दुचाकीस्वाराचे नाव अनिल एकनाथ भोसले (२६), रा. पिंपळगाव पेठ असे आहे. अनिल हा दुचाकीवरून (क्र. एम. एच. २०-के. एम-८६३९) सिल्लोड येथे रुग्णालयात कामावर जात असताना औरंगाबाद-जळगाव मार्गावरील सिल्लोड येथील स्मशानभूमीजवळ सिल्लोडहून औरंगाबादकडे भरधाव वेगाने जाणाऱ्या ट्रकने (क्र. एम.एच-२० डीई-७१७४) दुचाकीला जोरात धडक दिली. यात अनिलचा जागीच मृत्यू झाला. पोलिसांनी ट्रक व चालकास ताब्यात घेतले आहे. याप्रकरणी नारायण किशन भोसले यांच्या फिर्यादीवरून सिल्लोड शहर पोलीस ठाण्यात ट्रक चालक शेख खालिक शेख खाजा, रा.सिल्लोड याच्याविरुद्ध गुन्हा दाखल करण्यात आला आहे. पुढील तपास पो.नि सुनील बिर्ला करीत आहेत.