डॉ. मनीषा देशपांडे, औरंगाबाद
मंगळवार, दि. १ डिसेंबर २०२०
राष्ट्रीय भारतीय सौर दिनांक अग्रहायन १०, १९४२. तिथी : कार्तिक कृष्ण प्रतिपदा. श्री शालिवाहन शके १९४२. शार्वरी नाम संवत्सर, नक्षत्र : सकाळी ८:३१ पर्यंत रोहिणी. त्यानंतर मृग. रास : रात्री ९:३७ पर्यंत वृषभ. त्यानंतर मिथुन. आज : चांगला दिवस. राहू काळ : दुपारी ३ ते ४:३० (राहू काळात महत्त्वाची कामे टाळा)
.........................................
मेष :
कामाचा व्याप वाढेल. शांत डोक्याने जबाबदारी पूर्ण करा. मित्रांबद्दल गैरसमज होण्याची शक्यता आहे. स्पष्ट बोलून शंका दूर करा. काहींना हक्कासाठी झगडावे लागेल. डोक्यात चाललेला गोंधळ मोठ्यांशी बोलून दूर करा.
वृषभ :
समोरच्याचे बोलणे ऐकून मत बनवा.
काही वेळेला आपण स्वतःचे मत बनवून मोकळे होतो. घरात जास्त वेळ देण्याची गरज पडेल. मोठ्यांच्या तब्येतीची काळजी घ्या.
मिथुन :
स्वतःसाठी खरेदी करण्यात मजा येईल.
काहींना एखाद्या कार्यक्रमाला हजर राहावे लागेल. ओळखीची चार माणसे भेटल्यामुळे उत्साह वाढेल. महिलांना मुलांच्या मागण्या पूर्ण कराव्या लागतील.
कर्क :
बऱ्याच दिवसांनी निवांत आहात.
त्याचा पूर्ण आनंद घ्या. महत्त्वाचे निर्णय आईला विचारून घ्या. खाण्या-पिण्याकडे दुर्लक्ष करू नका. तब्येतीची काळजी घ्या.
सिंह :
मेहनत करूनही यश मिळत नव्हते. ते आता दिसायला लागेल. काहींना आर्थिक लाभ होण्याची शक्यता आहे. नातेवाईकांशी बिघडलेले संबंध सुधारतील. तब्येतीकडे लक्ष द्यावे लागेल.
कन्या :
कामात अपेक्षित बदल होतील.
नोकरी करीत असाल तर मनासारखे काम मिळेल, तसेच वरिष्ठांकडूनही काम मिळेल. व्यापारीवर्गाला चांगला काळ आहे. बच्चेकंपनी मित्रांसह खुश राहतील.
तूळ :
फिरतीची कामे असणाऱ्यांना लाभ होईल.
मनासारखी कामे होतील. त्यामुळे छंद जोपासायला वेळ देता येईल. महिलांना नातेवाईकांसाठी वेळ द्यावा लागेल. काहींना आर्थिक मदत करावी लागेल.
वृश्चिक :
व्यावसायिकांना चांगला प्रस्ताव मिळेल.
थोडी हिंमत केली तर मनासारखा लाभ मिळेल. काहींना कामाचे स्थान बदलावे लागेल. घरच्या लोकांची साथ मिळेल. त्यामुळे कामाचा उत्साह वाढेल.
धनू :
लग्नकार्यात भाग घ्याल.
किंवा तसे निमंत्रण येईल. सरकारी कामे पूर्ण करा. आर्थिक व्यवहाराचा हिशोब नीट ठेवा. व्यावसायिकांनी पूर्ण कामाचा आढावा घ्यावा.
मकर :
खाण्या-पिण्याकडे नीट लक्ष द्या.
तब्येतीच्या कुरबुरी राहतील. घरासाठी जे प्रयत्न करीत असतील त्यांना अपेक्षित घर मिळेल. वाहन चालविताना काळजी घ्यावी. दुरुस्तीचे काम करावे लागेल.
कुंभ :
मुलांसाठी विशेष वेळ द्यावा लागेल.
काहींना मुलांसाठी प्रवास करावा लागेल. जर तुम्ही विद्यार्थी असाल तर वस्तू सांभाळा. चोरीची शक्यता आहे. बाकी लोकांना सामान्य दिवस.
मीन :
चांगला दिवस आहे.
विशेषत: आर्थिक व्यवहाराशी संबंधित व्यवसाय असेल तर आपणास चांगला दिवस आहे. स्थावर मालमत्तेचे काही वाद चालू असतील, तर ते मार्गी लागतील. महिलांना घरात काही बदल करावा लागेल.