कलदगाव पाटीजवळ अपघातात तीन ठार

अर्धापूर : येथून जवळच असलेल्या कलदगाव पाटीजवळ ट्रक आणि बोलेरो जीपच्या झालेल्या अपघातात दोघेजण जागीच ठार तर उपचारा दरम्यान एकजण दगावला. इतर दोघेजण जखमी झाल्याची घटना घडली. १९ मे रोजी सायंकाळी साडेपाचच्या सुमारास नांदेड येथून लग्न आटोपून हिमायतनगरकडे जाणार्‍या बोलेरो जीप क्रं. एम.एच.३८ ३६८२ ला कलदगाव पाटीजवळ समोरुन येणार्‍या ट्रक क्रं. आर.जे. जीबी ६०६९ ने दिलेल्या जबर धडकेत जीपमधील असिफ म. युसफ (वय २७) व हारुन रहीमोद्दीन (वय २५) हे दोघे जागीच ठार झाले तर सोबतचे इतर दोघेजण गंभीर जखमी झाले. अपघाताची माहिती मिळताच बारड महामार्ग सुरक्षा पथकाचे पोलिस उपनिरीक्षक रेहमान शेख, पो.कॉ. दिपक वडणे, श्रीनिवास रेड्डी व चालक सुभाष बसवंते यांनी घटनास्थळी तात्काळ धाव घेतली. जखमींना त्वरित नांदेडच्या शासकीय रुग्णालयात दाखल केले. लतीफ शेख आलम यांचा उपचारा दरम्यान मृत्यू झाला. या घटनेचा अधिक तपास अर्धापूर पोलिस करीत आहेत. (वार्ताहर)