तेरमध्ये घरफोडी, दीड लाखाचा ऐवज लंपास

तेर : मुख्य गेट तोडून घरात घुसलेल्या चोरट्यांनी रोख रक्कम सोन्याच्या दागिन्यासह एक लाख, ३३ हजारांचा मुद्देमाल लंपास केला़ ही घटना तेर (ता़उस्मानाबाद) येथे घडली असून, या प्रकरणी ढोकी पोलिस ठाण्यात गुन्हा दाखल करण्यात आला आहे़पोलिसांनी सांगितले की, तेर येथील मारूती दशरथ जगदाळे हे बुधवारी रात्रीच्या सुमारास कुटुंबियांसोबत घरात झोपले होते़ मध्यरात्रीच्या सुमारास चोरट्यांनी मुख्य गेट तोडून आतमध्ये प्रवेश केला़ कपाटातील रोख ८० हजार रूपये, दोन तोळे, सहा ग्रॅमचे सोने असा जवळपास एक लाख, ३३ हजार रूपयांचा मुद्देमाल लंपास केला़ तसेच घरातील साहित्याची नासधूस केली़घटनेची माहिती मिळताच ढोकी पोलिस ठाण्याचे सपोनि शिंदे व सहकाऱ्यांनी घटनास्थळी धाव घेतली़ यावेळी बोलाविण्यात आलेल्या श्वान पथकाने जवळपास एक किलोमीटरपर्यंतच माग काढला़ ठसे पथकानेही येथील काही ठसे घेतले ेआहेत़ (वार्ताहर)