शिक्षक संघटनाही रडारवर

औरंगाबाद : तालुकास्तरीय बदली प्रक्रियेत केवळ शासन मान्य शिक्षक संघटनेच्या पदाधिकाऱ्यांनाच सूट देण्याच्या निर्णयावर प्रशासन ठाम

विशाखापट्टणम : शिखर धवनसह आघाडीच्या फलंदाजांनी दिलेल्या उल्लेखनीय योगदानानंतर अनुभवी आशिष नेहरा व बांगलादेशचा वेगवान गोलंदाज मुस्तफिजुर रहमानच्या अचूक माऱ्याच्या जोरावर सनरायझर्स हैदराबाद संघाने आयपीएलच्या नवव्या पर्वात रविवारी खेळल्या गेलेल्या लढतीत मुंबई इंडियन्सचा ८५ धावांनी धुव्वा उडवला. धवनच्या अर्धशतकी खेळीच्या जोरावर हैदराबादने ३ बाद १७७ धावांची दमदार मजल मारली आणि प्रत्युत्तरात खेळणाऱ्या मुंबई इंडियन्सचा डाव १६.२ षटकांत ९२ धावांत गुंडाळला. नेहरा व मुस्तफिजुर यांनी अनुक्रमे १५ व १६ धावांच्या मोबदल्यात प्रत्येकी ३ बळी घेत मुंबई इंडियन्सचा डाव गुंडाळण्यात महत्त्वाची भूमिका बजावली. बरिंदर सरनने १८ धावांत दोनस तर मोझेस हेन्रिक्स व भुवनेश्वर कुमार यांनी प्रत्येकी १ बळी घेतला. मुंबई इंडियन्सच्या केवळ तीन फलंदाजांना दुहेरी धावसंख्या नोंदवता आली. त्यात हरभजन सिंगने सर्वाधिक २१ धावा केल्या. सनरायझर्सचा नऊ सामन्यांतील हा सहावा विजय असून त्यांच्या खात्यावर १२ गुणांची नोंद झाली आहे. सनरायझर्सने या विजयासह गुणतालिकेत अव्वल स्थानावर झेप घेतली आहे, पण गुजरात लायन्स व केकेआर संघांदरम्यानच्या लढतीनंतर त्यांची गुणतालिकेत घसरण होणार असल्याचे निश्चित आहे. या दोन्ही संघांच्या खात्यावर प्रत्येकी १२ गुणांची नोंद आहे. या मोसमात १० वा सामना खेळणाऱ्या मुंबई संघाला पाचव्यांदा पराभवाला सामोरे जावे लागले. त्याआधी, शिखर धवनचे अर्धशतक व त्याने डेव्हिड वॉर्नर व युवराज सिंग यांच्यासोबत केलेल्या उपयुक्त भागीदारीच्या जोरावर सनरायझर्स हैदराबादने ३ बाद १७७ धावांची दमदार मजल मारली. धवनने ५७ चेंडूंना सामोरे जाताना १० चौकार व १ षटकाराच्या मदतीने नाबाद ८१ धावांची खेळी केली. त्याने वॉर्नरसोबत (३३ चेंडूंत ४८ धावा) आणि युवराज सिंग (२३ चेंडूंत ३९ धावा) यांच्यासोबत अनुक्रमे पहिल्या व तिसऱ्या विकेटसाठी प्रत्येकी ८५ धावांच्या भागीदारी केल्या. युवराजने सूर गवसल्याचे संकेत दिले. त्याने डेथ ओव्हर्समध्ये धवनच्या साथीने ४ षटकांत ४७ धावा वसूल केल्या. हरभजन सिंग मुंबईतर्फे सर्वाधिक यशस्वी गोलंदाज ठरला. त्याने २९ धावांच्या मोबदल्यात २ बळी घेतले. (वृत्तसंस्था)धावफलकहैदराबाद सनरायझर्स : डेव्हिड वॉर्नर झे. पोलार्ड गो. हरभजन ४८, शिखर धवन नाबाद ८१, केन विल्यम्सन झे. रोहित गो. हरभजन ०२, युवराज सिंग हिटविकेट मॅक्लेनघन ३९, मोझेस हेन्रिक्स नाबाद ०१. अवांतर : ५. एकूण : २० षटकांत ३ बाद १७७. गोलंदाजी : साऊदी ४-०-३५-०, मॅक्लेनघन ४-०-३८-१, हरभजन ४-०-२९-२, बुमराह ४-०-३५-०, हार्दिक पंड्या १-०-१०-०, पोलार्ड २-०-२३-०, कृणाल पंड्या १-०-५-०.मुंबई इंडियन्स : रोहित शर्मा त्रि. गो. नेहरा ०५, पार्थिव पटेल पायचित गो. भुवनेश्वर ००, अंबाती रायुडू झे. विल्यम्सन गो. नेहरा ०६, कृणाल पंड्या झे. धवन गो. सरन १७, जोस बटलर झे. ओझा गो. नेहरा ०२, किरॉन पोलार्ड झे. सरन गो. हेन्रिक्स ११, हार्दिक पंड्या झे. ओझा गो. मुस्तफिजुर ०७, हरभजन सिंग नाबाद २१, टीम साऊदी झे. ओझा गो. मुस्तफिजुर ०३, मिशेल मॅक्लेनघन झे. हेन्रिक्स गो. मुस्तफिजुर ०८, जसप्रीत बुमराह झे. ओझा गो. सरन ०६. अवांतर : ६. एकूण : १६.३ षटकांत सर्व गोलंदाजी : भुवनेश्वर ३-०-२३-१, नेहरा ३-०-१५-३, सरन ३.३-०-१८-२, हेन्रिक्स ४-०-१८-१, मुस्तफिजुर ३-०-१६-३.