मनपाच्या फोटोग्राफी स्पर्धेचा निकाल जाहीर
औरंगाबाद : महापालिकेने लव्ह औरंगाबाद अभियानांतर्गत स्वच्छ भारत अभियानाच्या अनुषंगाने लव्ह औरंगाबाद फोटोग्राफी स्पर्धा घेतली होती. या स्पर्धेचा निकाल बुधवारी जाहीर करण्यात आला. या स्पर्धेत प्रथम पुरस्कार डॉ. अजिंक्य मिस्त्री यांनी पटकावला तर द्वितीय पुरस्कार संतोष राखेमल्लू आणि तृतीय पुरस्कार करिश्मा साहूजी यांनी पटकावला आहे.
जाधववाडी येथे ३७ जणांची कोरोना चाचणी
औरंगाबाद : जाधववाडी भाजीमंडई येथे भाजीपाला, फळे खरेदीसाठी येणाऱ्या नागरिकांची कोरोना चाचणी करण्यात येत आहे. बुधवारी ३७ जणांची तपासणी करण्यात आली. काल केलेल्या तपासणीत एकही नागरिक पॉझिटिव्ह आढळला नाही.
रेल्वेस्टेशन, विमानतळ येथे २६४ प्रवाशांची चाचणी, ५ पॉझिटिव्ह
औरंगाबाद : रेल्वेस्टेशन येथे बुधवारी २२३ प्रवाशांची कोरोना तपासणी करण्यात आली. मंगळवारी केलेल्या तपासणीत ५ प्रवासी पॉझिटिव्ह आढळून आले आहेत. विमानतळ येथे बुधवारी ४१ प्रवाशांची तपासणी करण्यात आली. मंगळवारी केलेल्या तपासणीत एकही प्रवासी पॉझिटिव्ह आढळला नाही.