औरंगाबाद : जिल्हाधिकारी कार्यालय परिसरात असलेल्या मुद्रांक विभागात जमीन खरेदी-विक्री व्यवहारासाठी गर्दी होत आहे. ऑनलाईन दस्त नोंदणीसाठी असलेले सर्व्हर डाऊन होत असल्याने नागरिकांना दिवसभर ताटकळत बसावे लागते आहे. सर्व्हरची अडचण अनेक दिवसांपासून आहे.
फटाका मार्केट भरवणार नाही
औरंगाबाद : कोरोनामुळे यंदा उत्सव फटाका असोसिएशन अयोध्यानगरी येथे फटाका मार्केट भरविणार नाही, अशी माहिती असोसिएशनचे अध्यक्ष विनोद खामगावकर यांनी दिली. सरकारने फटाका विक्रीवर बंधने आणली आहेत. त्यात औरंगाबादचे नाव आहे. कोरोनाच्या पार्श्वभूमीवर यंदा आम्ही फटाका मार्केट भरविणार नाही. सरकारला मदत म्हणून हा निर्णय आम्ही घेतला आहे. आमची जवळपास ५० दुकाने असतात, ती यावर्षी नसतील, असे खामगावकर यांनी सांगितले.
रस्त्याच्या कामामुळे वाहतूक कोंडी
औरंगाबाद : सूतगिरणी चौक ते एकता चौक या रस्त्याचे काम मनपाने हाती घेतले आहे. सदरील कामामुळे मॉलमध्ये खरेदीसाठी जाणाऱ्या नागरिकांना प्रचंड त्रास होतो आहे. दिवाळी असल्यामुळे खरेदीसाठी मोठी गर्दी होत आहे.
काम दिवाळीपर्यंत बंद ठेवा
औरंगाबाद : मुकुंदवाडी परिसरातील रामनगरसमोर जालना रोडच्या बाजूला साईडड्रेन टाकण्याचे काम निकृष्ट होत असल्याचा आरोप व्यापारी वर्गातून होत आहे. दिवाळी होईपर्यंत सदरील काम थांबवावे, अशी मागणी एनएचएआयकडे करण्यात आली आहे.