औरंगाबाद : कडक निर्बंधांचा सुधारित आदेश शनिवारी रात्री उशिरा जिल्हाधिकारी सुनील चव्हाण यांनी जारी केला. या आदेशानुसार दुकाने सकाळी सात ते दुपारी एक वाजेपर्यंत उघडी राहतील.
*भाजी मंडई सकाळी सात ते एक वाजेपर्यंत उघडी राहील.
*आठवडी बाजार भरविण्यावर बंदी राहील.
*पशुवैद्यकीय दवाखाने व कृषी संबंधित सेवा सकाळी सात ते एक वाजेपर्यंत सुरू राहतील.
*किराणा, भाजीपाला, फळे, डेअरी, बेकरी, मिठाईची दुकाने, खाद्यपदार्थांची दुकाने, गॅस सिलिंडर पुरवठा, गॅरेज, ऑटोमोबाइल दुकाने सकाळी सात ते एक वाजेपर्यंत सुरू राहतील
*वृत्तपत्रे, उपग्रह वाहिनीवरून प्रसारित होणारे चॅनल्स, अधिकृत अधिस्वीकृतीधारक पत्रकार 24 तास सुरू राहतील.
*सलून, उद्याने, मैदाने, चित्रपटगृहे, नाट्यगृहे बंद राहतील.
*रस्त्याच्या कडेला खाद्यपदार्थांची विक्री पार्सल सुविधेद्वारे सकाळी सात ते रात्री आठ वाजेपर्यंत चालू राहील.
*पेट्रोल पंप नागरिकांसाठी सकाळी सात ते अत्यावश्यक सेवेसाठी 24 तास चालू राहतील.
*एक मे 2019 रोजी सकाळी सात वाजेपर्यंत हे आदेश लागू राहतील.