औरंगाबाद: मराठवाडा पदवीधर मतदारसंघ निवडणुकीसाठी १ डिसेंबर रोजी मतदान होणार आहे. महाविकास आघाडीचे उमेदवार सतीश चव्हाण यांना निवडून आणण्याचे आवाहन शिवसेना आ. अंबादास दानवे यांनी केले. शहरात शिवसेनेतर्फे मंगळवारी विभागीय संघटनात्मक बैठकांचे आयोजन करण्यात आले होते. याप्रसंगी ते बोलत होते. सकाळच्या सत्रात मध्य मतदारसंघातील औरंगपुरा, समर्थनगर, सिल्लेखाना, गांधीनगर, खोकडपुरा, अजबनगर, कैलासनगर ,कोटला कॉलनी, गुलमंडी, गणेश कॉलनी ,न्यू एस टी कॉलनी, लोटा कारंजा, बेगमपुरा, पहाडसिंगपुरा, भीमनगर, भावसिंगपुरा, जयसिंगपुरा, नंदनवन कॉलनी, शांतीपुरा, आरेफ कॉलनी, प्रगती कॉलनी, जयभीमनगर या विभागाच्या बैठका घेण्यात आल्या. यावेळी पक्ष पदाधिकाऱ्यांची उपस्थिती होती.
बुथ समिती, सदस्य नोंदणीचा आढावा
औरंगाबाद: पदवीधर निवडणूक अनुषंगाने शिवसेनेतर्फे बेगमपुरा श्रीकृष्ण मंदिर येथे बुथ समिती संघटन, प्राथमिक सदस्य नोंदणी, मतदार नोंदणी आढावा घेण्यात आला. यावेळी उपजिल्हाप्रमुख विनायक पांडे, विधानसभा संघटक गोपाल कुलकर्णी, उपशहरप्रमुख हिरा सलामपुरे, सचिन खैरे , विभागप्रमुख सुरेश पवार , नरेश मगर, गणेश पेरे, सुनीता देव, प्रतिभा जगताप, प्राजक्ता राजपूत आदींची उपस्थिती होती.