येथील सरपंचपद ओबीसी महिला प्रवर्गासाठी आरक्षित असल्याने सरपंचपदासाठी शंकुतला कसुरे व निर्मला बुट्टे यांच्यात रस्सीखेच सुरू होती. मात्र गावांच्या विकासासाठी एकत्रित येण्याचा निर्णय घेत सरपंच व उपसरपंचपदाची निवडणूक बिनविरोध करण्याचा निर्णय घेण्यात आला होता.
सरपंचपदी शंकुतला कसुरे, तर उपसरपंचपदी नागेश कुठारे
सरपंच व उपसरपंचपदाच्या निवडणुकीसाठी आज सोमवारी तीसगाव ग्रामपंचायत कार्यालयात विशेष सभेचे आयोजन करण्यात आले होते. या विशेष सभेत सरपंचपदासाठी शंकुतला कसुरे व रेणुका सलामपुरे, तर उपसरपंचपदासाठी नागेश कुठारे व नितीन जाधव यांनी नामांकन अर्ज दाखल केले होते. यावेळी गुप्त पद्धतीने मतदानप्रकिया पार पडल्यानंतर शंकुतला कसुरे यांना १०, तर रेणुका सलामपुरे यांना सात मते मिळाल्याने शकुंतला सलामपुरे यांना ३ मताने विजयी घोषित करण्यात आले. उपसरपंचपदासाठी नागेश कुठारे यांनी विरोधी गटाचे एक मत फोडल्याने त्यांना ११, तर त्यांचे प्रतिस्पर्धी नितीन जाधव यांना सहा मते मिळाली. सरपंचपदी शकुंतला कसुरे व उपसरपंचपदी नागेश कुठारे विजयी झाल्याचे जाहीर करण्यात आले. या विशेष सभेला ग्रामपंचायत सदस्य राजेश कसुरे, अश्विनी जाधव, कृष्णा गायकवाड, अरुणा जाधव, शकुंतला कसुरे, संजय जाधव, प्रदीप हंडे, निर्मला बुट्टे, नागेश कुठारे, गणेश बिरंगळ, पूजा तरय्यावाले, रेणुका सलामपुरे, गोदावरी कोल्हे, नितीन जाधव, रेखा सूर्यवंशी, विष्णू जाधव व संगीता अंभोरे आदींची उपस्थिती होती. यावेळी अध्यासी अधिकारी म्हणून हनुमान शिंदे, तर सहायक म्हणून ग्रामविकास अधिकारी ए. आर. गायकवाड यांनी काम पाहिले. सरपंच व उपसरपंचपदाची बिनविरोध निवड होताच समर्थकांनी गुलालाची उधळण करीत व फटाके वाजवून जल्लोष केला.
फोटो क्रमांक- शकुंतला कसुरे (सरपंच)
फोटो क्रमांक- नागेश कुठारे (उपसरपंच)