नरबळी : महिलेची कोठडीत रवानगी

कळंब : पिंपळगाव (डो़) येथील चिमुकल्याच्या नरबळी प्रकरणात पोलिसांनी गुरूवारी अटक केले होते़ त्या महिलेला शुक्रवारी न्यायालयात हजर केले आसता १८ एप्रिल पर्यंत पोलीस कोठडी सुनावण्यात आली

कळंब : तालुक्यातील पिंपळगाव (डो़) येथील एका चिमुकल्याच्या नरबळी प्रकरणात पोलिसांनी गुरूवारी अटक केले होते़ त्या महिलेला शुक्रवारी न्यायालयात हजर केले आसता १८ एप्रिल पर्यंत पोलीस कोठडी सुनावण्यात आली आहे़याबाबत पोलीस सूत्रांकडून मिळालेली अधिक माहिती अशी की, पिंपळगाव (डो़) येथील सहा वर्षीय बालक कृष्णा इंगोले याचा २६ जानेवारी रोजी खून झाल्याचा प्रकार समोर आला होता़ या प्रकरणाच्या तपासात कृष्णाचा खून हा नरबळीचा प्रकार असल्याचे समोर आले आहे़ आजवर पोलिसांनी पुणे येथील बुवाबाजी करणाऱ्या लखन चुडावकर याच्यासह उत्तम इंगोले, उर्मिला इंगोले, साहेबराव इंगोले, लक्ष्मी उर्फ द्रोपदी पौळ या पाच जणांना अटक केली होती़ कळंब पोलिसांनी गुरूवारी पुणे येथून सुवर्णा दिलीप भडाळे (रा़ पार्वती वसाहत पुणे) या महिलेला अटक केली होती़ तिच्याकडून काही मंत्रतंत्रासंबंधीची कागदपत्रेही पोलिसांना मिळाल्याचे सूत्रांचे म्हणणे आहे़ अटकेतील महिलेला न्यायालयात हजर केले असता तिला १८ एप्रिल पर्यंत पोलीस कोठडी सुनावण्यात आली आहे़