रोहनच्या भेदक गोलंदाजीने मसिआचा एसजीएसटीवर निसटता विजय

जिल्हा क्रिकेट संघटनेच्या मैदानावर सुरू असलेल्या व्हेरॉक करंडक औद्योगिक टष्ट्वेटी-२० क्रिकेट स्पर्धेत मसिआ संघाने एसजीएसटी संघावर ३ धावांनी निसटता विजय मिळवताना उपांत्यपूर्व फेरीतील प्रवेश निश्चित केला.

औरंगाबाद : जिल्हा क्रिकेट संघटनेच्या मैदानावर सुरू असलेल्या व्हेरॉक करंडक औद्योगिक टष्ट्वेटी-२० क्रिकेट स्पर्धेत मसिआ संघाने एसजीएसटी संघावर ३ धावांनी निसटता विजय मिळवताना उपांत्यपूर्व फेरीतील प्रवेश निश्चित केला. भेदक गोलंदाजी करणारा रोहन राठोड मसिआ संघाच्या विजयाचा शिल्पकार ठरला.मसिआ संघाने प्रथम फलंदाजी करताना २० षटकांत ४ बाद १२७ धावा केल्या. त्यांच्याकडून मधुर पटेलने ३ षटकार व २ चौकारांसह सर्वाधिक ४३ धावा केल्या. मंगेश निरवकरने नाबाद २३, अतिक नाईकवाडेने २४ धावा केल्या. एसजीएसटी संघाकडून संतोष एम., सय्यद शुजा, विशाल गवळी आणि जयंत नवरंगे यांनी प्रत्येकी १ गडी बाद केला. प्रत्युत्तरात एसजीएसटी संघ १५.५ षटकांत १२४ धावांत गारद झाला. त्यांच्याकडून तुषार गावडे याने एकाकी झुंज देत ४५, धावा केल्या. मसिआ संघाकडून रोहन राठोडने १४ धावांत ५ गडी बाद केले. संदीप पाटील, अजिंक्य, मयूर चौधरी व अतिक नाईकवाडे यांनी प्रत्येकी १ गडी बाद केला.