रितेश देशमुख आणि जेनेलिया डिसूजाने वीकेंडला धम्माल मस्ती केली आणि याची एक झलक चाहत्यांनाही पाहायला मिळाली. जेनेलियाने या धम्माल पार्टीचा धम्माल व्हिडीओ शेअर केला. या व्हिडीओत आशिष चौधरी, शमिता बंगारगी, कुमकुम भाग्य स्टार शब्बीर अहलुवालिया आणि त्याची पत्नी कांची कौल असे सगळे सहभागी झाले होते. व्हिडीओत सुरुवातीला जेनेलिया, कांची व शमिता दिसतात. यानंतर रितेश देशमुख आणि शब्बीरची एन्ट्री होती. नंतर सगळे मिळून अक्षरश: तुफानी डान्स करतात. इतके की, डान्स करता करता अक्षरश: जमिनीवर पडतात. या सहा मित्रांनी पार्टीत ‘सैराट’च्या ‘झिंगाट’ गाण्यावर तितकाच धम्माल डान्स केला.
...म्हणून कन्येचं नाव ‘वामिका’ असं ठेवलं !
बॉलिवूड अभिनेत्री अनुष्का शर्मानं पती व भारतीय क्रिकेट संघाचा कर्णधार विराट कोहली याच्यासोबत कन्येचा पहिला फोटो सोशल मीडियावर पोस्ट केला आहे. या फोटोत विराट व अनुष्का त्यांच्या लाडक्या लेकीला प्रेमानं पाहताना दिसत आहेत. अनुष्कानं हा फोटो पोस्ट करून कन्येचं नाव काय असेल, यावरील सस्पेन्सही मिटवला. विराट व अनुष्का यांनी त्यांच्या मुलीचे नाव वामिका असे ठेवले आहे. असं नाव ठेवण्यामागे एक खास कारण आहे. वामिकाचे नाव विराट व अनुष्का या दोघांच्या नावाला जोडून ठेवण्यात आले आहे. यात विराटचा ‘व’ आणि अनुष्काचा ‘का’ याचा समावेश आहे. वामिकाचा अर्थ होतो देवीदुर्गा.
सिद्धार्थची या अभिनेत्रीसोबत रंगतेय लव्ह स्टोरी
सिद्धार्थ मल्होत्रा आणि कियारा अडवाणीने त्यांच्या नात्याविषयी कधीच खुलेपणाने भाष्य केले नसले तरी, गेल्या काही दिवसांपासून हे लव्हबर्ड मीडियाच्या नजरा चुकवत एकमेकांना भेटत आहेत. दिवसेंदिवस वाढणाऱ्या भेटीगाठींमुळे चर्चा आता त्यांच्या लग्नापर्यंत येऊन पोहोचली आहे. न्यू इअरचे सेलिब्रेशनवेळीही दोघेही एकत्र होते. त्यानंतर अधुनमधून लंच डेट करताना दिसतात. इतकेच काय तर मालदीव्हजमध्येही दोघेही एकत्र व्हॅकेशनला गेले होते. नुकतीच कियारा सिद्धार्थच्या घरी जाताना दिसली. मीडियाच्या नजरा चुकवत कियारा सिद्धार्थच्या घरी पोहोचली होती. मात्र, कियारा मीडियाला बघताच चिंतेत दिसली. यावेळचे दोघांचेही फोटो समोर आले आहेत.