विहामांडव्यातील जुगार अड्यावर छापा

विहामांडवा भागातील एका शेतात काहीजण जुगार खेळत असल्याची माहिती खबऱ्याने पोलीस उपनिरीक्षक सुशांत सुतळे यांना दिली हाेती. यानंतर सहायक पोलीस निरीक्षक गणेश सुरवसे, गोरक्ष खरड, पोलीस जमादार संतोष चव्हाण, आप्पासाहेब माळी, रमेश जारवाल यांनी संबंधित ठिकाणी छापा टाकला. या छाप्यात जुगार खेळताना सुनना हुसेन शेख, इलाईस कुरेशी (रा. विहामांडवा), रियाज शेख, शरद तरमळे (रा. भांबेरी, ता. अंबड), अशोक काळे, (रा. चौधाला) यांना रंगेहात पकडले, तर अशोक मारकड, अजुम सय्यद व रफिक तांबोळी (रा. विहामांडवा) या तिघाजणांनी मोकळ्या जागेचा फायदा घेऊन फरार झाले. पाचोड पोलिसांनी घटनास्थळी पंचनामा केला असून, पाचोड पोलीस ठाण्यात आठजणांविरुद्ध गुन्हा दाखल करण्यात आला आहे. आरोपींकडून अकरा हजार रुपये जप्त करण्यात आले आहे.