संजय लीला भन्साळी यांचा मच अवेटेड ‘गंगूबाई काठियावाडी’ सिनेमाचा टीझर रिलीज झाला आहे. भन्साळींच्या वाढदिवशी टीझर रिलीज करण्यात आला असून, आलिया एका वेगळ्या स्टाइलमध्ये दिसत आहे. हा चित्रपट किती दमदार असेल याची झलक टीझरमधून दिसतेय. ‘कहते हैं कि कमाठीपुरा में कभी अमावस्या की रात नहीं होती, क्योंकि वहां गंगू रहती है...’ टीझरच्या सुरुवातीलाच हा डायलॉग ऐकून अंगावर काटे उभे राहतात. आलिया भटने गंगूबाई काठियावाडीच्या भूमिकेत जीव ओतला आहे. तिचे डायलॉगही कमाल आहेत. आलिया पहिल्यांदाच या चित्रपटातून एका महिला गँगस्टरची भूमिका साकारत आहे. त्यामुळे आलियाचा हा चित्रपट तिच्या पुढील करियरसाठी कलाटणी देणारा ठरेल, अशी अपेक्षा व्यक्त करण्यात येत आहे.
दो दिल मिल रहे है चुपके-चुपके
बॉलीवूड अभिनेत्री सारा अली खान सध्या तिच्या सिनेमांपेक्षा कमी; पण खाजगी गोष्टींमुळेच जास्त चर्चेत असते. तिच्या सोशल मीडिया अकाऊंटवरील असाच आणखी एक फोटो सध्या चर्चेचा विषय ठरला आहे. या फोटोमध्ये सारा दाक्षिणात्य सिनेसृष्टीचा स्टार अभिनेता विजय देवरकोंडासोबत एकत्र पाहायला मिळत आहेत. नुकतेच प्रसिद्ध फॅशन डिझायनर मनिष मल्होत्राने पार्टीचे आयोजन केले होते. तेव्हाही सारा विजय देवरकोंडासोबतच जास्त वेळ घालवताना दिसली. फोटोमध्ये पोज देतानाही ती विजय देवरकोंडासोबतच दिसली आहे. चाहत्यांनाही या दोघांची जोडी परफेक्ट वाटत असून, भरभरून लाइक्स आणि कमेंटसचा वर्षाव होताना पाहायला मिळत आहे.
शिल्पाच्या बिकिनी लूकचा धुमाकूळ
शिल्पा शेट्टीने बीचवरचा एक व्हिडिओ शेअर केला आहे. विशेष म्हणजे, यात तिने बिकिनी घातल्याचे पाहायला मिळत आहे. बिकिनी फोटोमुळे शिल्पा शेट्टी नेटकऱ्यांना घायाळ करत आहे. तसेच या फोटोची सध्या सोशल मीडियावर चांगलीच चर्चा आहे. बिकिनीत बिनधास्तपणे वावरतानाचा फोटोही तितकाच मादक आहे. अनेकांनी तिच्या या हॉट लूकचे कौतुक केले आहे. तिच्या फॅन्स आणि नेटकऱ्यांकडून कमेंट्स तसेच खूप सारे लाइक्स आले आहेत. तिची ही पहिलीच वेळ नसून याआधी देखील तिने अनेक हॉट फोटो सोशल मीडियावर शेअर केले होते.
कंगना रनौत करणार राजनीती
बॉलिवूडची क्वीन म्हणजेच अभिनेत्री कंगना रनौत लवकरच रूपेरी पडद्यावर झळकणार आहे. तिचा बहुप्रतिक्षित राजकीय चित्रपट ‘थलाइवी’ हा २३ एप्रिलला चित्रपटगृहात रिलीज होणार आहे. जयललिला यांच्या ७३ व्या जयंतीच्या दिवशी हा चित्रपट प्रेक्षकांच्या भेटीला येणार आहे. या चित्रपटात त्यांचा जीवन प्रवास उलगडणार असून, कंगना जयललिता यांची भूमिका साकारताना दिसणार आहे. या चित्रपटाचे दिग्दर्शन ए. एल. विजयने केले आहे आणि यात अरविंद स्वामी, प्रकाश राज, मधू आणि भाग्यश्री महत्त्वाच्या भूमिकेत दिसणार आहेत. या चित्रपटात जयललिता यांचा अभिनयाच्या कारकीर्दीपासून राजकीय प्रवास रेखाटण्यात आला आहे.