बॉलिवूड अभिनेता मनोज वाजपेयी याची मुख्य भूमिका असलेल्या ‘द फॅमिली मॅन’ या वेब सिरीजच्या पहिल्या सीझनने प्रेक्षकांची मने जिंकली आहेत. आता याच्या दुसऱ्या भागाची प्रेक्षक आतुरतेने प्रतीक्षा करत आहेत. दरम्यान, निर्मात्यांनी या वेब सिरीज दुसर्‍या सीझनच्या प्रदर्शनाची घोषणा करून रिलीजची तारीखही जाहीर केली आहे. पण याचे रिलीज काहीशे पुढे जाऊ शकते. कारण सध्या ‘तांडव’ आणि ‘मिर्झापूर’ या वेब सिरीजमुळे वाद सुरू झाला आहे. या दोन्ही वेब सिरीजच्या विरोधात देशातील विविध ठिकाणी गुन्हे दाखल करण्यात आले आहेत. यामुळे अ‍ॅमेझॉन प्राइम ‘द फॅमिली मॅन- २’च्या प्रदर्शनाची तारीख पुढे ढकलण्याची शक्यता आहे.
निया शर्माचा हॉट अंदाज पाहून चाहते घायाळ
टेलिव्हिजन विश्वातील प्रसिद्ध अभिनेत्री निया शर्मा सोशल मीडियावर खूप सक्रिय असते. या माध्यमातून ती आपल्या चाहत्यांच्या संपर्कात राहण्याचा प्रयत्न करते. निया शर्माने सोशल मीडियावर पोस्ट केलेल्या हॉट आणि बोल्ड फोटोंची नेहमीच चर्चा होत असते. आता पुन्हा तिने काही फोटो सोशल मीडियावर पोस्ट केले असून, त्याला मोठी पसंतीही मिळते आहे. निया शर्माने पोस्ट केलेल्या ब्लॅक साडीमधील बोल्ड फोटोंमुळे सोशल मीडियावर तिची जबरदस्त चर्चा आहे. निळसर हिरेजडीत ऑफ शोल्डर लेहंगा घातलेल्या नियाच्या फोटोला, या लूकला चाहत्यांची चांगली पसंती मिळत आहे. निसर्गाच्या सान्निध्यात ब्लॅक कलरचा स्कर्ट-ब्लाउजमध्ये काढलेल्या या फोटोत नियाचा सुपर हॉट अंदाज पाहायला मिळतो आहे.
बिग बजेट चित्रपटात झळकणार बॉबी देओल
बॉलिवूड अभिनेता बॉबी देओल आश्रम या वेब सिरीजमुळे पुन्हा प्रसिद्धी झोतात आला आहे. ‘काशीपूरवाले बाबा’या त्याच्या भूमिकेचे मोठं कौतुक करण्यात आलं होतं. या भूमिकेमुळे अनेक दिग्दर्शकांनी आणि निर्मात्यांचे त्याने लक्ष वेधून घेतले आहे. विविध बॅनर्सच्या ऑफर्सदेखील त्याला मिळण्यास सुरुवात झाली आहे. आता त्याला मोठी लॉटरी लागली असून, दाक्षिणात्य चित्रपटामध्ये लवकरच बॉबी दिसणार आहे. हा चित्रपट खूप भव्यदिव्य असणार असून, बाहुबलीच्या समान हा नवीन चित्रपट असणार आहे. या चित्रपटाचे नाव अद्याप समोर आलेलं नाही. यामध्ये बॉबी व्हिलनची भूमिका साकारणार आहे. आश्रममधील त्याच्या भूमिकेनंतर आता या दाक्षिणात्य चित्रपटामधील भूमिकेमुळे त्याची अभिनयाची गाडी रुळावर येऊन करिअर वेग पकडू शकते.