गंगापुरात शिवजयंतीनिमित्त विविध कार्यक्रमांचे आयोजन

नगरपालिकेच्या शिवतीर्थ उद्यानात स. ८:३० वा. दुग्धाभिषेक, २ ते ४ या वेळेत शिवकालीन मर्दानी खेळ, ४ वा. शाहीर प्रवीण जाधव यांचा पोवाडा व कु. स्वानंदी ठाणगे हिचे व्याख्यान होईल. सायंकाळी ६ वा. ह.भ.प. रामगिरी महाराज, शाक्यपुत्र अमृतानंद बोधी, फादर वेल्फ्रेड सालढाना व मौलाना युसूफ फैजी यांच्या हस्ते महाराजांच्या पुतळ्याचे अनावरण व शिवतीर्थ उद्यानाचे लोकार्पण होणार असून, यावेळी नौशाद उस्मान व अब्दुल कादरी यांचे व्याख्यान होईल. याप्रसंगी आ. प्रशांत बंब, आ. अंबादास दानवे, राष्ट्रवादीचे जिल्हाध्यक्ष कैलास पाटील व जिल्हा बँकेचे संचालक किरण पाटील डोणगावकर, नगराध्यक्ष वंदना पाटील व उपनगराध्यक्ष मंगला राजपूत आदी मान्यवर उपस्थित राहणार आहे. दुसऱ्या एका कार्यक्रमात संजय जाधव मित्रमंडळाच्या वतीने स. १० वा. शहरातून दुचाकी रॅली, तर सायंकाळी ५ वा. पालखी मिरवणूक काढली जाणार आहे.