मुलगा अनिल जाधव (३५), नात छकुली जाधव (१२) आणि बंटी जाधव (१०) (सर्व मूळ रा. कात्राबाद, ता.जि. औरंगाबाद, हल्ली मुक्काम नाथनगर, वडखा, ता.जि. औरंगाबाद) अशी गंभीर जखमी झालेल्यांची नावे आहेत. अनिल जाधव हे शेद्रा एमआयडीसीलगतच्या नाथनगर, वडखा येथील घराकडून शेद्रा एमआयडीसी चौकाकडे मोटारसायकलने आई व दोन मुलांसोबत जात होते. हरमन कंपनीजवळ पाठीमागून भरधाव येणाऱ्या कारने त्यांना जोराची धडक दिली. या अपघातात मोटारसायकल दूर फेकली गेली. या अपघातात मोटारसायकलवरील व्यक्तीच्या डोक्याला, हात व पायाला मार लागल्याने सर्वत्र रक्ताचा सडा पडलेला होता. स्थानिकांनी हरमन व रॅडिको कंपनीच्या रुग्णवाहिकेद्वारे जखमींना घाटी रुग्णालयात दाखल केले. चिकलठाणा पोलिसांनी अपघाताची नोंद घेतली असून, अधिक तपास जमादार रवींद्र साळवे, अजित शेकडे, गजानन बागल करीत आहेत.
फोटो: अपघातग्रस्त वाहने.