दिवाळीनिमित्त पुणे- नागपूर शिवनेरी बस औरंगाबादमार्गे धावणार

औरंगाबाद : राज्य परिवहन महामंडळातर्फे दिवाळीनिमित्त प्रवाशांच्या सुविधेसाठी १९ ते ३१ आॅक्टोबरदरम्यान पुणे ते नागपूर मार्गावर शिवनेरी बससेवा चालविण्यात येत आहे. सदर बस शिवाजीनगर, पुणे येथून सायंकाळी ७ वाजता सुटेल. ही बस अहमदनगर, औरंगाबाद, जालना, चिखली, खामगाव, अकोला, अमरावतीमार्गे दुसऱ्या दिवशी सकाळी ८ वाजता नागपूरला पोहोचेल. सध्या दिवाळीनिमित्त प्रवाशांची गर्दी वाढत आहे. नागपूरला जाणाऱ्या प्रवाशांची बससेवेमुळे मोठी सोय होईल.