अक्षय कुमारच्या ‘भुलभुलैया’ या सिनेमाचा दुसरा भाग १९ नोव्हेंबर २०२१ मध्ये प्रेक्षकांच्या भेटीला येणार आहे. मात्र, ‘भुलभुलैया-२’ या सिक्वेलमध्ये अक्षय कुमारऐवजी कार्तिक आर्यन मुख्य अभिनेत्याच्या तर कियारा अडवाणी मुख्य अभिनेत्रीच्या रूपात प्रेक्षकांच्या भेटीला येणार आहे. अभिनेत्री तब्बूची या सिनेमात विशेष भूमिका पाहायला मिळणार आहे. समीक्षक तरण आदर्श यांनी शेअर केलेल्या फोटोत कार्तिक आर्यनचा सिनेमामधील लूक दिसून येतोय. भगवी वस्त्रे आणि खांद्यावर झोळी घेतलेल्या कार्तिकचा लूक ‘भुलभुलैया’च्या पहिल्या भागातील अक्षय कुमारच्या लूकसारखाच दिसून येतोय.
सोहम बांदेकरचे कलाविश्वात पदार्पण
अभिनेता आदेश बांदेकर आणि सुचित्रा बांदेकर यांचा मुलगा सोहम लवकरच एका मालिकेच्या माध्यमातून मराठी कलाविश्वात पदार्पण करत आहे. आदेश बांदेकर निर्मित ‘नवे लक्ष्य’ या मालिकेच्या माध्यमातून सोहम मराठी कलाविश्वात पदार्पण करणार आहे. या मालिकेत सोहम पोलिसाच्या महत्त्वपूर्ण भूमिकेत झळकणार आहे. ‘नवे लक्ष्य’ ही मालिका महाराष्ट्र पोलिसांच्या कार्यावर आधारित आहे. महाराष्ट्राच्या सुरक्षिततेसाठी ऑन ड्यूटी चोवीस तास असणाऱ्या महाराष्ट्र पोलिसांची शौर्यगाथा या मालिकेच्या माध्यमातून उलगडणार आहे. सोहमची ही पहिलीच मालिका असल्याने त्याचा अभिनय पडद्यावर पाहणे औत्सुक्याचे ठरत आहे.
जखमी टायगर श्रॉफला दिशाने धीर दिला
सेलिब्रिटींच्या फुटबॉल मॅचमध्ये टायगर श्रॉफ खेळता खेळता जखमी झाला. हे दृश्य पाहताच त्याला चिअर करायला मैदानात आलेल्या दिशा पटानीच्या काळजाचा ठोकाच चुकला. त्याच्या डाव्या पायाला दुखापत झाली. बॉयफ्रेंडची ही अवस्था पाहून दिशाच्या चेहऱ्याचा जणू रंगच उडाला. जखमी झाल्यामुळे टायगरला मॅच अर्धवट सोडावली जागली. फिजिओथेरपिस्टने लगेच टायगरच्या जखमेवर प्राथमिक उपचार सुरू केले. टायगरची अवस्था दिशाला बघवेना. ती पूर्णवेळ त्याच्या बाजूला उभी राहून त्याला धीर देत होती. यादरम्यानचे काही फोटो व व्हिडिओ सोशल मीडियावर व्हायरल झाले आहेत.