सध्या ‘नागीन’ फेम निया शर्माचा एक व्हिडिओ सोशल मीडियावर अक्षरश: धुमाकूळ घालतोय. या व्हिडिओत निया मध्यरात्री भर रस्त्यात मैत्रिणीसोबत तुफान डान्स करताना दिसतेय. तिच्या फुल टू राडा असलेल्या या व्हिडिओची दखल अनेकांनी घेतली आहे. व्हिडिओमध्ये सामसुम रस्त्यावर निया व तिची कार उभी करून डान्स करीत आहे. त्यांचा हा डान्स पाहून चाहते थक्क झाले आहेत. यावर चाहत्यांनी अनेक प्रतिक्रिया दिला असून तिच्या डान्सिंग कौशल्याचे कौतुक केले आहे. काही दिवसांपूर्वी नियाने समुद्रकिनारी धावताना शेअर केलेला बोल्ड व्हिडिओसुद्धा चांगलाच व्हायरल झाला होता.
तब्बल सहा महिन्यांनी रिया चक्रवर्तीची पोस्ट
अभिनेत्री रिया चक्रवर्ती सोशल मीडियापासून काही काळापासून दूर होती. मात्र, महिला दिनानिमित्ताने रियाने तिच्या इन्स्टाग्राम अकाऊंटवर एक फोटो शेअर केला आहे. तब्बल सहा महिन्यांनंतर पोस्ट केलेल्या या फोटोमुळे रिया पुन्हा एकदा चर्चेत आली आहे. रियाने तिच्या इन्स्टाग्राम अकाऊंटवर एक फोटो शेअर केलाय. या फोटोत तिने एक हात तिच्या हातात घट्ट पकडल्याचे दिसत आहे. हा हात तिच्या आईचा आहे. यावर तिने “आम्हाला महिला दिनाच्या शुभेच्छा.. आई आणि मी.. कायम एकत्र..माझी ताकद, माझा विश्वास, माझं मनोबलं – माझी आई” असं कॅप्शन दिलं आहे.
सोनाक्षीचा खाकी वर्दीतील दबंग लूक
सोनाक्षी सिन्हाने तिचा एक दमदार लूकमधला फोटो शेअर करीत ओटीटी पदार्पण करीत असल्याचं जाहीर केलं आहे. ती लवकरच अ‍ॅमेझॉन प्राइमवरील एका वेब सिरीजमध्ये मुख्य भूमिकेत झळकणार आहे. या वेब सिरीजमध्ये ती एका महिला पोलिसाची भूमिका साकारताना दिसून येणार आहे. खाकी वर्दीतील फोटो पोस्ट करीत तिने महिलाशक्तीवर भाष्य केले आहे. ‘महिला काय साध्य करू शकतात त्याला मर्यादा नाही. यात आपल्या सर्वांचा विश्वासच आहे की, जो काळासोबत आणखी प्रबळ होत चालला आहे. जागतिक महिला दिनाच्या निमित्ताने आम्ही एक पायरी वर चढत आहोत. मुली कशाप्रकारे हे साध्य करतात हे दाखविण्यासाठी उत्सुक आहोत,’ असं कॅप्शन सोनाक्षीने तिच्या फोटोला दिलं आहे.