जिल्ह्यात तीन ठिकाणी महिलांचा विनयभंग

उस्मानाबाद : खुरपून काढलेले गवत बांधावर टाकण्यासाठी गेलेल्या महिलेचा विनयभंग केल्याप्रकरणी एकाविरूध्द बेंबळी पोलिस ठाण्यात शनिवारी गुन्हा दाखल करण्यात आला आहे़ ही घटना मंगळवारी दुपारच्या सुमारास कामेगाव शिवारात घडली़याबाबत पोलीस सूत्रांकडून मिळालेली अधिक माहिती अशी की, कामेगाव येथील सत्यवान नामदेव गायकवाड याने ३ मार्च रोजी गावातील एका महिलेच्या घरात घुसून अश्लिल भाषेत बोलत विनयभंग केला़ तसेच मंगळवारी दुपारी ती गावच्या शिवारातील एका शेतात खुरपण्याच्या कामासाठी गेली होती़ खुरपलेले गवत बांधावर टाकण्यासाठी ती गेली असता तिचा गायकवाड याने विनयभंग केला़ याप्रकरणी पीडित महिलेने दिलेल्या फिर्यादीवरून गायकवाड याच्याविरूध्द बेंबळी पोलिस ठाण्यात गुन्हा दाखल करण्यात आला आहे़ तपास हेकॉ ए़ आऱ जाधव हे करीत आहेत़शिराढोण : तरूणीस शिवीगाळ करीत घरात घुसून विनयभंग केल्याप्रकरणी चौघांविरूध्द शिराढोण पोलिस ठाण्यात गुन्हा दाखल करण्यात आला आहे़ ही घटना गुरूवारी दुपारी देवधानोरा (ताक़ळंब) येथे घडली़पोलिसांनी सांगितले की, देवधानोरा येथील एक युवती गुरूवारी दुपारी तिच्या घरात बसली होती़ त्यावेळी माणिक झुंबर वाघमारे, नानासाहेब जयदत्त वाघमारे, झुंबर बळीराम वाघमारे, जयदत्त बळीराम वाघमारे यांनी तिस शिवीगाळ करीत घरात घुसून विनयभंग करून मारहाण केली़ या प्रकरणी पीडित युवतीने दिलेल्या फिर्यादीवरून चौघांविरूध्द शिराढोण पोलिस ठाण्यात गुन्हा दाखल करण्यात आला आहे़भूम : महिलेचा हाताला धरून मुलाला जिवे मारण्याची व स्वत: आत्महत्या करण्याची धमकी देणाऱ्याविरूध्द भूम पोलिस ठाण्यात गुन्हा दाखल करण्यात आला आहे़ ही घटना शुक्रवारी सकाळी बावी (ता़भूम) येथे घडली़पोलिसांनी सांगितले की, बावी येथील दादा बबन कांबळे याने गावातील एका महिलेच्या घरात घुसून तिच्या हाताला धरून विनयभंग केला़ तसेच तिच्या मुला जीवे मारण्याची व स्वत: घरासमोर आत्महत्या करण्याची धमकी दिली़ या प्रकरणी पीडित महिलेने दिलेल्या फिर्यादीवरून कांबळे याच्याविरूध्द भूम पोलिस ठाण्यात गुन्हा नोंदविण्यात आला आहे़ तपास पोहेकॉ मुळे हे करीत आहेत़